جەرگىلىكتى بيۋدجەتتەرگە تۇسىمدەر ارتتى - الىبەك قۋانتىروۆ
«2020 -جىلدان باستاپ شاعىن جانە ورتا بيزنەستەن كورپوراتيۆتى تابىس سالىعى جەرگىلىكتى بيۋدجەتكە بەرىلدى. وسى كەزەڭدە ەكونوميكالىق بەلسەندىلىك تومەندەگەنىنە قاراماستان، جەرگىلىكتى بيۋدجەتتەرگە تۇسىمدەر 25 پايىزعا ارتتى. بۇل ءوز كەزەگىندە اكىمدەردىڭ جەرگىلىكتى بيزنەستىڭ دامۋىنا، ينۆەستيتسيالاردىڭ ارتۋى مەن سالىق بازاسىنىڭ كەڭەيتىلۋىنە مۇددەلى ەكەنىن بىلدىرەدى»، - دەدى ءا. قۋانتىروۆ بيۋدجەتارالىق قاتىناستاردى جەتىلدىرۋ تاقىرىبىنداعى ۇكىمەت ساعاتىندا.
ونىڭ پايىمىنشا، بۇل فاكتى جەرگىلىكتى اتقارۋشى ورگانداردىڭ شاعىن جانە ورتا بيزنەستىڭ دامۋى مەن ولاردىڭ «كولەڭكەلى» اينالىمنان شىعۋىنا قىزىعۋشىلىق تانىتۋىنا بايلانىستى. بۇدان بۇرىن حابارلانعانداي، الىبەك قۋانتىروۆ ماقساتتى اعىمداعى ترانسفەرتتەردىڭ نەگىزگى كولەمى الەۋمەتتىك سالاعا تيەسىلى ەكەنىن ايتتى.
سوڭعى ءۇش جىلدا جەرگىلىكتى اتقارۋشى ورگانداردىڭ بولجامعا قاراعاندا جەكە كىرىستەر بويىنشا اسىرا ورىنداۋ كولەمى 117 پايىزدى قۇراپ، ولاردىڭ دامۋ بيۋدجەتى 106 پايىزعا ءوستى. ورتالىققا تاۋەلدىلىك 2019 -جىلداعى 59 پايىزدان 2021 -جىلى 56 پايىزعا دەيىن قىسقاردى.
اۆتور: رۋسلان عابباسوۆ
