ب. سۇلتانوۆ: ءبىرىڭعاي ۆاليۋتا قۇرۋ تۋرالى ماسەلە تالقىلانبايدى

نۇر- سۇلتان. قازاقپارات - قىتاي مەن ەۋرازيالىق ەكونوميكالىق وداق اراسىندا ءبىرىڭعاي ۆاليۋتا قۇرۋ ماسەلەسى تالقىلانبايدى، دەپ حابارلايدى «حابار 24».

بۇل تۋرالى ساۋدا جانە ينتەگراتسيا ءمينيسترى باقىت سۇلتانوۆ مالىمدەدى.

ونىڭ ايتۋىنشا، بىرنەشە كۇننەن كەيىن ماسكەۋدە ەۋرازيالىق ەكونوميكالىق كوميسسيا كەڭەسىنىڭ وتىرىسى وتەدى. كەزدەسۋدىڭ كۇن تارتىبىندە بۇل ماسەلە جوق دەدى.

ەستەرىڭىزگە سالا كەتەيىك، بۇعان دەيىن قىتاي مەن ەۋرازيالىق ەكونوميكالىق وداق تاۋەلسىز حالىقارالىق ۆاليۋتا قارجى جۇيەسىن قۇرماق دەگەن اقپارات تاراعان بولاتىن.

باقىت سۇلتانوۆ، ق ر ساۋدا جانە ينتەگراتسيا ءمينيسترى:

- بۇل جالعان اقپارات. سەبەبى ماسكەۋدە وتەتىن ەۋرازيالىق ەكونوميكالىق كوميسسيا كەڭەسى وتىرىسىنىڭ كۇن تارتىبىندە دە بۇل ماسەلە جوق. قاراستىرىلمايدى دا. ءبىراق ءوزارا ساۋدا- ساتتىق، تاۋار تاسىمالدارىندا ەسەپ ايىرىسۋ ماسەلەلەرى جايلى كەڭەس بەرىلەدى.

www.24.kz