زەلەنسكي رەسەي اسكەرىنە ارنايى ۇندەۋ جولدادى
سونداي-اق ۆلاديمير زەلەنسكي رەسەيمەن سوعىستى اياقتاۋ، ءادىل بەيبىتشىلىك ورناتۋ تۋرالى كەلىسسوزدەردىڭ ءبىر بولىگى رەتىندە ەۋروكوميسسيا پرەزيدەنتى ۋرسۋلا فون دەر ليايەنمەن، پولشا، ليۋكسەمبۋرگ جانە يزرايل باسشىلارىمەن سويلەسكەنىن ايتتى. بۇدان باسقا، ول رەسەي اسكەرىنە ارنايى ۇندەۋ جولدادى.
ۆلاديمير زەلەنسكي، ۋكراينا پرەزيدەنتى:
- ءبىزدىڭ دەلەگاتسيا رەسەي تاراپىمەن كەلىسسوز جۇرگىزۋ بويىنشا قىزۋ جۇمىس ىستەپ جاتىر. ءبارى وتە جاقسى. ءارى قاراي قالاي بولاتىنىن كورەمىز. رەسەي وفيتسەرلەرى مەن ساربازدارى! مەنى وتە مۇقيات تىڭداڭدار! سەندەر قازىردىڭ وزىندە جاعدايدى جاقسى تۇسىندىڭدەر. سەندەر ۋكراينادا ەشتەڭە الا المايسىڭدار. تەك ادام ءومىرىن عانا الاسىڭدار. وزدەرىڭ دە قۇربان بولاسىڭدار. ءبىراق ومىرلەرىڭدى نە ءۇشىن قياسىڭدار؟ ءتىرى قالعىلارىڭ كەلەدى، ونى مەن جاقسى بىلەمىن. سوندىقتان سەندەرگە امان قالۋعا مۇمكىندىك بەرەمىن. ءبىزدىڭ اسكەرگە بەرىلىڭدەر! تاڭداۋ سەندەردە!
«حابار 24»
