عالىمجان ءپىرماتوۆ تەڭگەنىڭ السىرەۋ سەبەبىن اتادى
«گەوساياسي جاعدايدىڭ ناشارلاۋىنا بايلانىستى قارجى جانە تاۋار نارىقتارىندا بۇرىن- سوڭدى بولماعان شوكتاردىڭ اسەرىمەن دامۋشى ەلدەردىڭ ۆاليۋتالارىمەن بىرگە تەڭگەنىڭ ايىرباستاۋ باعامى وسى جىلعى اقپاندا قۇبىلمالى بولدى. باعامنىڭ نەگىزسىز كۇرت اۋىتقۋلارى كەزىندە قارجىلىق تۇراقتىلىق بويىنشا تاۋەكەلدەردى شەكتەۋ ماقساتىندا ۇلتتىق بانك كەي كۇندەرى ۆاليۋتالىق ينتەرۆەنتسيا جۇرگىزدى. ونىڭ كولەمى اقپاندا 273,7 ميلليون دوللار بولدى. بۇل وپەراتسيالار تۋرالى اقپارات جەدەل جاريا ەتىلدى»، - دەدى ۇلتتىق بانك ءتوراعاسى ۇكىمەت وتىرىسىندا.
ونىڭ اتاپ وتۋىنشە، ۇلتتىق قور قاراجاتىن بيۋدجەتكە ترانسفەرتتەر ءبولۋ ءۇشىن كونۆەرتاتسيالاۋ وپەراتسيالارى، كۆازيمەملەكەتتىك سەكتور ۆاليۋتاسىن ساتۋ، ەكسپورتتاۋشىلاردىڭ بيۋدجەتكە سالىقتىق تولەمدەرى ۇلتتىق ۆاليۋتاعا قولداۋ كورسەتتى.
«فاكتورلار بالانسىنىڭ نەگاتيۆتى جاققا اۋىسۋى، نارىقتارداعى تاۋەكەل- سەنتيمەنت تەڭگەنىڭ دوللارعا شاققانداعى باعامىنىڭ اقپاندا 495 تەڭگەگە دەيىن 14,2 پايىزعا السىرەۋىنە سەبەپ بولدى. ناۋرىزدا قوسىمشا سانكتسيالارعا، ونىڭ ىشىندە رەسەيدەن مۇناي ونىمدەرىن يمپورتتاۋعا ا ق ش- تىڭ تىيىم سالۋىنا بايلانىستى رەسەي ءرۋبلىنىڭ السىرەۋى تەڭگەگە قىسىمدى كۇشەيتتى. ناۋرىزدىڭ باسىنان باستاپ 542 ميلليون دوللارعا ينتەرۆەنتسيا جۇرگىزىلدى. بيىلعى جىلعى 14-ناۋرىزدا تەڭگە باعامى ءبىر دوللار ءۇشىن 511,74 تەڭگەنى قۇرادى»، - دەدى ول.
