قار، جاۋىن، كوكتايعاق - سەيسەنبىگە ارنالعان اۋا رايى بولجامى
اتموسفەرالىق فرونتالدى بولىكتەردىڭ وتۋىمەن قازاقستاننىڭ باسىم بولىگىندە جاۋىن- شاشىن، رەسپۋبليكانىڭ سولتۇستىك جارتىسىندا نەگىزىنەن قار تۇرىندە جاياۋ بۇرقاسىنمەن، وڭتۇستىك جارتىسىندا نەگىزىنەن جاڭبىر تۇرىندەگى جاۋىن- شاشىن بولجانادى. وڭتۇستىكتىڭ، وڭتۇستىك- شىعىستىڭ تاۋلى اۋداندارىندا قاتتى جاۋىن- شاشىن جاۋادى.
ق ر بويىنشا جەلدىڭ كۇشەيۋى، تۇمان، كوكتايعاق، رەسپۋبليكانىڭ وڭتۇستىگىندە نايزاعاي كۇتىلەدى. اقمولا وبلىسىنىڭ باتىسى مەن شىعىسىندا جاياۋ بۇرقاسىنمەن جەل كۇشەيەدى، تۇندە جانە تاڭەرتەڭ وبلىستىڭ وڭتۇستىگىندە تۇمان تۇسەدى. الماتى وبلىسىنىڭ سولتۇستىگىندە جانە تاۋلى اۋداندارىندا تۇمان كۇتىلەدى، تۇندە وبلىستىڭ شىعىسىندا جەل 15-20 م/س كۇشەيەدى.
تۇركىستان وبلىسىنىڭ وڭتۇستىگىندە جانە تاۋلى اۋداندارىندا تۇمان، نايزاعاي كۇتىلەدى، وبلىستىڭ تاۋلى اۋداندارىندا جەل 15-20 م/س جىلدامدىقپەن سوعادى.
جامبىل وبلىسىنىڭ سولتۇستىگىندە، تاۋلى اۋداندارىندا تۇمان، كوكتايعاق كۇتىلەدى، وبلىستىڭ تاۋلى اۋداندارىندا جەل 15-20 م/س كۇشەيەدى. اقتوبە وبلىسىنىڭ سولتۇستىك- باتىسىندا، سولتۇستىك قازاقستان وبلىسىنىڭ وڭتۇستىگىندە، باتىسىندا جاياۋ بۇرقاسىن كۇتىلەدى، اقتوبە وبلىسىنىڭ سولتۇستىك- باتىسىندا جەل 18 م/س كۇشەيەدى.
باتىس قازاقستان وبلىسىنىڭ سولتۇستىگىندە، اتىراۋ وبلىسىنىڭ شىعىسىندا، ماڭعىستاۋ وبلىسىنىڭ سولتۇستىك - شىعىسىندا تۇمان، كوكتايعاق كۇتىلەدى.
قوستاناي وبلىسىنىڭ وڭتۇستىك- باتىسىندا، تۇندە شىعىس قازاقستان وبلىسىنىڭ باتىسىندا، وڭتۇستىگىندە، تۇندە جانە تاڭەرتەڭ پاۆلودار وبلىسىنىڭ وڭتۇستىگىندە، قىزىلوردا وبلىسىنىڭ سولتۇستىگىندە تۇمان تۇسەدى.
