22:56, 14 - ناۋرىز 2022 | GMT +5
رەسەي باستاعان سوعىس ۋكراينانى قانشا شىعىنعا باتىردى؟
نۇر-سۇلتان. قازاقپارات - رەسەي باستاعان اسكەري وپەراتسيانىڭ كەسىرىنەن 13- ناۋرىز كۇنگى مالىمەت بويىنشا ۋكراينا 119 ميلليارد دوللار شىعىنعا باتقان. شىعىننىڭ كوپ بولىگى - قيراعان ينفراقۇرىلىمدار. ونىڭ ىشىندە كوپقاباتتى ءۇي، اۋرۋحانا مەن مەكتەپ، بالاباقشالار.
بۇل جايلى ۋكراينانىڭ ەكونوميكا ءمينيسترىنىڭ ورىنباسارى دەنيس كۋدين ايتتى، دەپ جازادى ەكونوميچەسكايا پراۆدا باسىلىمى.
«شىعىن كۇن سايىن ءوسىپ بارادى. رەسەي باستاعان باسقىنشىلىق ۋكراينا ەكونوميكاسىن قانشا شىعىنعا باتىرعانىن ءساۋىر ايىندا ەسەپتەپ شىعامىز. ازىرشە قيراعان ينفراقۇرىلىمنىڭ ءوزى 119 ميلليارد دوللار تۇراتىنى انىقتالدى. جالپى ىشكى ءونىم تومەندەپ، ودان قانشا شىعىن بولعانىن ءبىر ايدان كەيىن عانا ەسەپتەپ شىعامىز. اسكەري ءتارتىپ ەنگىزىلگەنىنە 1 اي ۋاقىت بولۋى ءتيىس»، - دەيدى كۋدين.
ونىڭ ايتۋىنشا، ۋكراينانىڭ ەكونوميكاسىنا قانشا شىعىن كەلگەنىن ەكى جولمەن ەسەپتەۋگە بولادى. ءبىرى - ج ءى ءو- ءنىڭ قانشاعا قۇلدىراعانىن ەسەپتەۋ ارقىلى، ەكىنشىسى - ەلدىڭ قانشا ينفراقۇرىلىمى قيراعانىنا قاراپ ەسەپتەۋ. ازىرشە ەكەۋىنىكى دە ناقتى ەمەس.
