قازاقستاندىق كاسىپكەر افريكاداعى ەلدىمەكەنگە قۇدىق قازدىرىپ بەردى
قازاقستان اتىنان سىيعا تارتىلعان قۇدىق ۋگاندا مەملەكەتىندەگى نانوكو ەلدى مەكەنىندە ورنالاسقان.
كاسىپكەر ۋگاندانىڭ The Ngali Development Foundation (نگالي دامىتۋ قورى) كومپانياسىمەن بايلانىسىپ، ناتيجەسىندە قۇدىق قازۋ ءۇشىن ەكىجاقتى كەلىسىمگە كەلگەن. قۇدىقتىڭ قۇرىلىسى اقپان ايىندا باستالىپ، ناۋرىزدىڭ 12- كۇنى اياقتالدى. 13- ناۋرىزدا اشىلۋ سالتاناتى ۇيىمداستىرىلىپ، جەرگىلىكتى تۇرعىندار قازاقستاندىقتارعا العىستارىن ءبىلدىردى.
سووكا شاريف (اۋىل تۇرعىنى، 30 بالاسى بار. 63 جاستا):
ءبىز تازا سۋعا قول جەتكىزە الماي وتىرعان اۋىل تۇرعىندارىمىز. قاراپايىم تۇرمىس كەشەمىز. ازىن-اۋلاق ەشكى ۇستايمىز. قازىر سۋدى 5 ك م جەردەگى وزەننەن تاسىپ ءىشىپ وتىرمىز. بۇل ارينە تازا سۋ ەمەس. مۇنىڭ ءبارىن بالالارىمىز تاسىپ اكەلەدى. موتوتسيكل، ۆەلوسيپەدى بار ادامدار سيرەك. كوبىنە جاياۋ تاسىيمىز.
بۇگىن ەلدوس ايبەك دەگەن مىرزا جەرىمىزگە كەلىپ، اۋىلدىڭ قاق ورتاسىنان ۇلكەن قۇدىق قازىپ بەردى. العىسىمىزدا شەك جوق. بالالاردىڭ قالاي قۋانعانىن كوردىڭىز بە؟! ولاردىڭ قۋانىشىن كورىپ ءبىز دە ەرەكشە قۋانىپ تۇرمىز. ەلدوس مىرزاعا كوپ راقمەت. اللا ىستەگەن جۇمىسىنا بەرەكە بەرسىن.
ءبىز قازاقستان دەگەن مەملەكەتى جايلى مۇلدە بىلمەيتىن ەدىك. وسى جاعدايدان كەيىن ەشقاشان ۇمىتپاستاي بولدىق. قازىر بولعان قۋانىشتى كورگەن بالالار قازاقستاندى، كوك تۋلارىڭىزدى ماڭگى جادىندا ساقتاپ قالارى انىق. قازاقستانعا سالەم، - دەيدى.
كاسىپكەر ەلدوس ايبەكوۆ قۇدىقتى قاي ەلدەن قازۋ جايىندا ۇزاق ويلانعان. افريكاداعى ەلدەردىڭ تىنىس-تىرشىلىگىن، اۋىز سۋ ماسەلەلەرىن زەرتتەپ كورگەن. ناتيجەسىندە ۋگانداداعى نانوكو ەلدىمەكەنىن تاڭداعان.
قۇدىق قازۋعا قاتىستى بىزدە ەكى تاڭداۋ بولدى. ءبىرى - ۋگاندا، ەكىنشىسى - كەنيا. ەكەۋى دە شىعىس افريكادا ورنالاسقان. العاشىندا قۇدىقتى كەنيادان قازامىز دەپ ويلادىق. ويتكەنى، كەنياداعى قىزمەتتىڭ باعاسى ۋگانداعا قاراعاندا ارزان بولدى. كەيىن قوس مەملەكەتكە اناليز جاساپ، ۋگاندانىڭ ج ءى ءو- ءسى كەنيادان 3 ەسە تومەن ەكەنىن كوردىك. ويلانا كەلە، قۇدىقتى تازا سۋعا شىن مۇقتاج حالىققا قازىپ بەرەيىك دەگەن قورىتىندىعا كەلدىك. بۇگىن قۇدىعىمىزدى قولدانىسقا بەردىك. تۇرعىنداردىڭ، بالالاردىڭ قۋانىشىن كورىپ ەرەكشە تولقىنىستى كۇي كەشتىم. بۇل جوبامىز قازاقستان مەن ۋگاندا مەملەكەتتەرىنىڭ اراسىنداعى بايلانىستى نىعايتا تۇسەدى دەگەن سەنىمدەمىز، - دەيدى.
اشىلۋ سالتاناتىنا اتالعان قايىرىمدىلىق شاراعا قولداۋ كورسەتۋ ماقساتىندا قازاقستاندىق ساياحاتشى- بلوگەر ياكوۆ فەدوروۆ تا باردى. 65 مەملەكەتتى ارالاعان ياكوۆ مىرزا بۇل جولعى ساپاردىڭ اسەرى بولەك ەكەنىن ايتتى.
ۋگاندا 5 پاتشالىقتان قۇرالعان. ولار مەملەكەت بيلىگىنەن تىس جەكە پاتشالىقتارعا ءبولىنىپ ءومىر سۇرەدى. ەڭ ۇلكەن پاتشالىق - بۋگاندا. ەكىنشىسى - بۋسوگا. قۇدىق ءدال وسى بۋسوگالىقتارعا تيەسىلى جەردەن قازىلدى. ولار لۋسوگا تىلىندە سويلەيدى.
مەن ەلدوس مىرزاعا كوپ العىس بىلدىرەمىن. ول كىسى عالامدىق ماسەلەگە ءوز ۇلەسىن قوستى. سۋ - افريكا حالقىنىڭ ەڭ ۇلكەن ماسەلەلەرىنىڭ ءبىرى. بۇگىن اياداي عانا اۋىلدىڭ پروبلەماسى شەشىلدى، - دەيدى بلوگەر.
قۇدىق قولدانىسقا بەرىلگەننەن كەيىن ەلدوس ايبەك قازاقستاننان ارنايى اپارعان مەكتەپ جابدىقتارىن ۇلەستىردى. مەملەكەتتىك جالاۋىمىز بەينەلەنگەن داپتەر، قالام، قالامساپ، سومكەنى نونوكولىق بالالارعا تاراتىپ بەردى. قۋانىشپەن باستالعان جيىن قۋانىشپەن اياقتالدى. اۋىل تۇرعىندارىنا 2 قازان پالاۋ تاراتىلىپ، بالالارعا تاتتىلەر بەرىلدى. سونداي-اق ءبىرءجاس ءوسپىرىم «ماسساگەت» سايتىنىڭ جەيدەسىن سىيعا الدى.
ەلدوس ايبەكوۆ - كاسىپكەر. ش ق و، اياگوز اۋدانى، اياگوز قالاسىنىڭ تۋماسى. قازاقستان، ت م د بيزنەس نارىعىندا 15 جىلعا جۋىق كاسىپپەن اينالىسىپ كەلەدى. ول وسى ۋاقىتقا دەيىن بىرنەشە قايىرىمدىلىق اكسيالارىن ۇيىمداستىردى. ناقتىراق ايتساق، جالپى قۇنى 15 ميلليون تۇراتىن د ت س پ- ناۋقاستارىنا ارنالعان اپپاراتتاردى تەگىن تاراتقان. اي سايىن الەۋمەتتىك تۇرمىسى تومەن وتباسىلارعا ازىق-تۇلىك، ماتەريالدىق، قارجىلىق كومەك كورسەتەدى. 2021-2022 وقۋ جىلى قارساڭىندا 100 وقۋشىنى مەكتەپ جابدىقتارىمەن قامتاماسىز ەتتى. ەلدوس ايبەكوۆ - «رايىمبەك باتىر» قايىرىمدىلىق مەكەمەسىنىڭ دەمەۋشىسى.
ۋگاندا - شىعىس افريكادا ورنالاسقان مەملەكەت. ۇلىبريتانيا بوداندىعىندا بولعان ەل تاۋەلسىزدىگىن 1962-جىلى العان. ۋگاندا ناعىز افريكالىق كولوريدىمەن ەرەكشە. قارا قۇرلىق ساۆاننالارىندا جىرتقىش اڭنىڭ ءتۇر-ءتۇرى بار. ايگىلى افريكا بەستىگىنىڭ (ارىستان، ءپىل، ءمۇيىزتۇمسىق، بۋيۆول، لەوپارد) بارلىعى ۋگاندا جەرىندە بار. الەمدە تەك 600 تاۋ گوريللاسى قالسا، سونىڭ باسىم بولىگى ۋگاندا تەرريتورياسىنداعى «بۆيندي» ۇلتتىق پاركىندە ءومىر سۇرەدى. ۋگاندا تۇتاس تەرريتوريا بولعانىمەن، ول وڭتۇستىك-سولتۇستىك بولىپ ەكىگە بولىنەدى. سەبەبى ەكۆاتور سىزىعى ۋگاندا تەرريتورياسىنىڭ قاق ورتاسىمەن وتەدى.
massaget.kz
