اتوم سالاسىندا كادرلار دايارلاۋ قاي دەڭگەيدە - ەنەرگەتيكا مينيسترلىگى
«بىرىككەن يادرولىق زەرتتەۋلەر ينستيتۋتى» حالىقارالىق ۇيىمىمەن ىنتىماقتاستىق شەڭبەرىندە 2010-جىلدان باستاپ 2019-جىلعا دەيىن اتوم سالاسىنىڭ ماماندىقتارى بويىنشا 134 باكالاۆريات پەن ماگيسترانت وقۋدان ءوتتى.
2018-جىلدان باستاپ ل. ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى جانە بىرىككەن يادرولىق زەرتتەۋلەر ينستيتۋتى اراسىندا يادرولىق فيزيكا جانە جاڭا ماتەريالدار سالاسىنداعى PhD دوكتورانتتارىن بىرلەسىپ دايارلاۋ باستالدى.
«ق ر ۇلتتىق يادرولىق ورتالىعى» ر م ك بازاسىندا جىل سايىن يادرولىق جانە تەحنيكالىق فيزيكا، سونداي-اق ماتەريالتانۋ سالاسىندا 120 دان استام ستۋدەنت ءۇشىن پراكتيكا ۇيىمداستىرىلادى. اتوم سالاسىندا كادرلار دايارلاۋدى كوزدەيتىن مەموراندۋمدار جاپونيانىڭ ەكونوميكا، ساۋدا جانە ونەركاسىپ مينيسترلىگىمەن (2014-جىل)، بەلارۋس رەسپۋبليكاسىنىڭ ەنەرگەتيكا مينيسترلىگىمەن (2018-جىل) جانە «روساتوم» اتوم ەنەرگياسى جونىندەگى مەملەكەتتىك كورپوراتسياسىمەن جاسالعان بولاتىن.
قازىرگى ۋاقىتتا ق ر ەنەرگەتيكا مينيسترلىگى ماجارستاننىڭ يننوۆاتسيالار جانە تەحنولوگيالار مينيسترلىگىمەن اتوم سالاسىندا قازاقستاندىق كادرلاردى دايارلاۋ جانە وقىتۋ بويىنشا مەموراندۋم جاساسۋ ماسەلەسىن پىسىقتاۋدا.
مەموراندۋمعا سايكەس تاراپتار بىرلەسكەن ءبىلىم بەرۋ باعدارلامالارىن ۇيىمداستىرۋدى، باكالاۆريات، ماگيستراتۋرا، اسپيرانتۋرا باعدارلامالارى بويىنشا ءبىلىم الۋشىلارمەن جانە وقىتۋشىلارمەن الماسۋدى، وقۋ جانە عىلىمي ادەبيەتتى ازىرلەۋدى، قىسقا مەرزىمدى تاعىلىمدامالار مەن سەمينارلاردى ۇيىمداستىرۋدى قوسا العاندا، اتوم سالاسى ءۇشىن كادرلار دايارلاۋ سالاسىندا ىنتىماقتاستىقتى جۇزەگە اسىرۋعا نيەت بىلدىرەدى.
قازاقستاننىڭ اتوم ەنەرگەتيكاسىندا مول تاجىريبەسى بار ەكەنىن اتاپ وتكەن ءجون.
اقتاۋ قالاسىندا 1973-1999-جىلدارى جىلدام نەيتروندارداعى الەمدەگى العاشقى ونەركاسىپتىك ب ن-350 رەاكتور ءساتتى قولدانىلدى. قازىرگى ۋاقىتتا 3 زەرتتەۋ رەاكتورى ءساتتى پايدالانىلۋدا - ي گ ر جانە ج ت گ س ز.1م ق ر «ۇلتتىق يادرولىق ورتالىعىندا» (كۋرچاتوۆ ق.)، ۆ ۆ ر- ك يادرولىق فيزيكا ينستيتۋتىندا (الماتى ق.). يادرولىق جانە رادياتسيالىق قاۋىپسىزدىك تۇرعىسىنان زەرتتەۋ رەاكتورلارىنا ەنەرگەتيكالىق رەاكتورلاردان كەم ەمەس قاتاڭ تالاپتار قويىلادى، ولار كوپتەگەن جىلدار بويى ويداعىداي ورىندالىپ كەلەدى، بۇل ولاردى قاۋىپسىز پايدالانۋدىڭ ۇزاق تاريحىمەن راستالادى.
