ابزال قۇسپان: مەملەكەت باسشىسىنىڭ قاڭتار وقيعالارىن جان- جاقتى تەرگەلۋىن تالاپ ەتىپ وتىرعانى بىزگە كۇش بەردى
بۇل تۋرالى بەلگىلى ادۆوكات ابزال قۇسپان ايتتى، دەپ حابارلايدى قازاقپارات ءتىلشىسى.
«قاڭتار وقيعاسىنا بايلانىستى «امانات» كوميسسياسىنىڭ جۇمىسىنا توقتالعان ا. قۇسپان: «بىرىنشىدەن، بىزگە وسىنداي مۇمكىندىك تۋدىرىپ، قولداعانى ءۇشىن مەملەكەت باسشىسى قاسىم- جومارت كەمەل ۇلىنا كوميسسيا اتىنان جانە ءبىز قورعاعان جۇزدەگەن ازاماتتىڭ اتىنان العىس بىلدىرگىم كەلەدى. مەملەكەت باسشىسىنىڭ وسى وقيعالار ورىن العان كەزدەگى تاباندى شەشىمى، وقيعا بويىنشا العاشقى كەزەڭنەن باستاپ ەلگە اشىق سۇحبات بەرىپ، قوعامدى مازالاعان سۇراقتارعا باتىل جاۋاپ بەرگەنى، باسىنان باستاپ تەرگەۋ ورگاندارىنان بولعان وقيعانى مەيلىنشە اشىق ءارى وبەكتيۆتى، جان- جاقتى تەرگەلۋىن تالاپ ەتىپ وتىرعانى بىزگە دە ەرەكشە كۇش- جىگەر سىيلاعانىن ايتقىم كەلەدى. ءبىز جانە بىزدەن بولەك قۇرىلعان باسقا دا كوميسسيالار وسى ماقساتتا جۇمىس ىستەدى»، - دەدى ا. قۇسپان ءماجىلىستىڭ جالپى وتىرىسىندا.
وسى ورايدا ول ءوزى قاتىسقان كوميسسيانىڭ ماقساتى قاڭتار وقيعاسى كەزىندە قىلمىستارعا قاتىسى جوق، تەك بەيبىت شەرۋگە شىقتىق دەپ ويلاپ، ارانداپ قالعان نەمەسە جاساعان قىلمىستىق ءىس- ارەكەتتەرى، دەنساۋلىعى، الەۋمەتتىك مارتەبەسى، سونداي- اق باسقا دا جاعدايلارعا بايلانىستى قوعامعا قاۋىپ توندىرمەيتىن تۇلعالاردى انىقتاپ، ولاردىڭ باس شاراسىن وزگەرتۋ، كەيىننەن قىلمىستىق ءىس وربيتاسىنان الىپ شىعارۋ بولعانىن ايتتى.
اۆتور: رۋسلان عابباسوۆ
