قازاق تەلەكوم باسشىسى قۋانىشبەك ەسەكەيەۆتەن كۋاگەر رەتىندە جاۋاپ الىندى
نۇر- سۇلتان. قازاقپارات - «قازاق تەلەكوم» ا ق باسشىسى قۋانىشبەك ەسەكەيەۆتەن كومپانياداعى قاراجات جىمقىرۋ ءىسى بويىنشا كۋاگەر رەتىندە جاۋاپ الىندى.
بۇل تۋرالى سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى ولجاس بەكتەنوۆ ايتتى، دەپ حابارلايدى قازاقپارات ءتىلشىسى.
«ول (قۋانىشبەك ەسكەيەۆ) كومپانيانىڭ باسشىسى. الايدا ءىس بويىنشا تەرگەلىپ جاتقان جوق. قازىرگى كەزدە ودان كۋاگەر رەتىندە جاۋاپ الىندى»، - دەدى ولجاس بەكتەنوۆ ءماجىلىستىڭ جالپى وتىرىسىنان كەيىن تىلشىلەر ساۋالىنا جاۋاپ بەرە وتىرىپ.
بۇدان بۇرىن حابارلانعانداي، سىبايلاس جەمقورلىققا قارسى قىزمەت لاۋازىمدىق وكىلەتتىكتەرىن اسىرا پايدالانۋ جانە «قازاق تەلەكوم» ا ق- نىڭ قاراجاتىن اسا ءىرى كولەمدە ۇرلاۋ فاكتىلەرى بويىنشا قىلمىستىق ءىستى تەرگەۋدە. اتالعان قىلمىستاردى جاسادى دەگەن كۇدىكپەن قايرات ساتىبالدى ۇلى ۇستالىپ، ۋاقىتشا ۇستاۋ يزولياتورىنا قامالدى.
اۆتور: رۋسلان عابباسوۆ
