ەرلان قوشانوۆ: پرەزيدەنتتىڭ شۇعىل شەشىمدەرى ەلدى اۋىر سوققىدان الىپ شىقتى
ق ر پارلامەنتى ءماجىلىسىنىڭ ءتوراعاسى ەرلان قوشانوۆ وسىنداي پىكىر ءبىلدىردى، دەپ حابارلايدى قازاقپارات ءتىلشىسى.
«وسى جىلدىڭ باسىندا ەلىمىز ءۇشىن ۇلكەن سىناق بولدى. ءبىز سىناققا تاپ بولدىق، تۇرعىندار زارداپ شەكتى. فاكتىلەر مەن تسيفرلاردى بۇگىن بارلىعىمىز ەستىدىك. ەلدىگىمىز بەن تاۋەلسىزدىگىمىزگە تونگەن قاۋىپ تۋرالى بۇگىن كوپ ايتىلدى. وسى سىن ساعاتتاردا مەملەكەت باسشىسى قاسىم- جومارت توقايەۆ شۇعىل دا جىگەرلى شەشىمدەر قابىلداپ، ەلدى وسىنداي اۋىر سوققىدان الىپ شىقتى. جاعداي تەز ارادا تۇراقتاندى. بۇگىنگى ءسوز سويلەگەندەردىڭ ءبارى، ازاماتتىق قوعام وكىلدەرى، دەپۋتاتتار پرەزيدەنتىمىزدىڭ تاباندى شەشىمدەرىنىڭ ارقاسىندا مەملەكەتتىگىمىزدى ساقتاپ قالعانىن ءبىراۋىزدان ايتتى»، - دەدى سپيكەر.
ونىڭ پايىمداۋىنشا، سوز كەزدە قابىلدانعان شەشىمدەردىڭ دۇرىس بولعانىن بۇگىن ۋاقىت كورسەتىپ وتىر.
«ۋاقىت وتە كەلە بۇل ەلدىك پەن تۇتاستىقتى ساقتاپ قالۋ ءۇشىن جاسالعان بىردەن- ءبىر دۇرىس قادام ەكەنىن كورىپ وتىرمىز»، - دەدى ءماجىلىس ءتوراعاسى.
اۆتور: ەسىمجان ناقتىباي
