باس پروكۋرور: دەسترۋكتيۆتى كۇشتەر بەيبىت ازاماتتاردى «ءتىرى قالقان» رەتىندە پايدالانعان
بۇل تۋرالى پارلامەنت ءماجىلىسىنىڭ جالپى وتىرىسىندا ق ر باس پروكۋرورى بەرىك اسىلوۆ ءمالىم ەتتى، دەپ حابارلايدى قازاقپارات ءتىلشىسى.
«الماتىدا جانە باسقا دا ءىرى قالالاردا قىلمىستى جاسىرۋ ءۇشىن 800 دەن استام ۆيدەوكامەرانى قيراتقان. باسىپ الىنعان قارۋدى، ازىق- تۇلىكتى جانە اۋىز سۋدى، جەتكىزۋ ۇيىمداستىرىلعان. تاكسي، جۇك كولىكتەرى مەن اۆتوبۋستاردىڭ جۇرگىزۋشىلەرىن كوشەنى جاۋىپ تاستاۋعا ماجبۇرلەدى. ياعني بەيبىت ازاماتتاردى «ءتىرى قالقان» رەتىندە پايدالانعان. ارنايى اۆتوكولىكتەر مەن باسقا دا جۇك ماشينالارىن تاران رەتىندە پايدالاندى»، - دەدى بەرىك اسىلوۆ. بۇدان بۇرىن حابارلانعانداي، باس پروكۋرور 11 ايماقتا اگرەسسيۆتى توپتار زورلىق-زومبىلىق ساتىسىنا وتكەنىن ايتتى.
«3-شى، 4-شى جانە 5-شى قاڭتاردا مەملەكەت باسشىسى دەمونسترانتتارعا ۇندەۋ جولداپ، زاڭدى ساقتاۋعا جانە دەسترۋكتيۆتى كۇشتەردىڭ ارانداتۋىنا بوي بەرمەۋگە شاقىردى. الايدا، بىرنەشە مارتە سابىر ساقتاۋعا شاقىرۋعا قاراماستان، قىلمىستىق جانە راديكالدى ەلەمەنتتەر بەلسەندى دە قاتاڭ ارەكەتتەرگە كوشتى. 4-شى جانە 5-شى قاڭتاردا ازاماتتار جيىنى اگرەسسيۆتى توپقا اينالىپ، 11 ايماقتا زورلىق-زومبىلىق ساتىسىنا ءوتتى»، - دەدى ب. اسىلوۆ.
اۆتور: رۋسلان عابباسوۆ
