10:03, 14 - ناۋرىز 2022 | GMT +5
رەسەي كۇشتەرى ۋكراينانىڭ باتىسىنداعى قالالاردى دا اتقىلاپ جاتىر
نۇر-سۇلتان.قازاقپارات - رەسەي كۇشتەرى ۋكراينانىڭ وزگە دە قالالارى مەن اۋىلدارىن اتقىلاۋدى جالعاستىرىپ جاتىر.
ۋكراينا اسكەرى مەن اۋماقتى قورعاۋ جاساقتارى رەسەي اسكەرىنە تاباندى قارسىلىق كورسەتۋدە. وسى رەتتە ا ق ش قورعانىس مينيسترلىگى رەسەي اسكەرى ۋكراينانىڭ باتىسىندا دا ءىرى اسكەري قيمىلدارعا كوشۋى مۇمكىن دەپ جاريالادى. سەبەبى لۋتسك پەن يۆانو- فرانكوۆسك قالالارىنىڭ اۋەجايلارى سوققىنىڭ استىنا الىنعان. قازا تاپقاندار مەن جاپا شەككەندەر تۋرالى اقپارات جوق.
ال ۇلى بريتانيا قورعانىس مينيسترلىگىنىڭ حابارلاۋىنشا، رەسەي كۇشتەرى ۋكراينانىڭ شىعىسىنداعى ماريۋپول مەن حاركوۆ قالاسىنان شىعىپ جىلجىعان ۋكراينا كۇشتەرىن قورشاۋعا الۋعا تىرىسقان. ماريۋپولدىڭ وزىندە وتە اۋىر گۋمانيتارلىق جاعداي قالىپتاسقان. رەسەي اسكەريلەر قالانى بومبالاۋدى جالعاستىرۋدا. شاھاردا 400 مىڭنان اسا تۇرعىن قالىپ وتىر.
www.24.kz
