ازيا چەمپيوناتى: قازاقستاندىق بوكسشىلاردىڭ جەكپە-جەكتەرى قاي ۋاقىتتا باستالادى

نۇر-سۇلتان. قازاقپارات - يوردانيا استاناسى اممان قالاسىندا ءوتىپ جاتقان بوكستان جاستار مەن جاس وسپىرىمدەر اراسىنداعى ازيا چەمپيوناتى قاي ۋاقىتتا باستالاتىنى بەلگىلى بولدى، دەپ حابارلايدى قازاقپارات ءتىلشىسى.

ەسكە سالساق، قۇرلىقتىق دودانىڭ فينالدىق جەكپە-جەكتەرى 13 -جانە 14 - ناۋرىز كۇندەرىنە بەلگىلەنگەن.

وندا ەلىمىزدىڭ اتىنان بارلىعى 27 سپورتشى باق سىنايدى. جاس ءوسپىرىم ۇلدار مەن قىزدار 13 ناۋرىز كۇنى شارشى الاڭعا شىعادى.

جەكپە-جەكتەر ەلوردا ۋاقىتىمەن 17:00 دە باستالادى. ال 14- ناۋرىزدا جاستار ەلوردا ۋاقىتىمەن 17:00 دە باسەكەنى باستايدى.