اتىراۋدا حالىقارالىق ىزدەۋدە جۇرگەن ءۇش قىلمىسكەر ۇستالدى

اتىراۋ. قازاقپارات - اتىراۋدا حالىقارالىق ىزدەۋدە جۇرگەن ءۇش قىلمىسكەر ۇستالدى. ونىڭ ءبىرى - شەتەلدىك، دەپ حابارلايدى قازاقپارات.

وبلىستىق پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، اتىراۋدا «ىزدەستىرۋ» وپەراتسياسى ءوتىپ جاتىر.

اتالعان شارا 18- ناۋرىزعا دەيىن جالعاسادى.

«پوليتسيا قىزمەتكەرلەرى ەكى كۇندە ​ حابار-وشارسىز كەتكەن 2 ادامدى تاۋىپ، سوت ۇكىمىمەن حالىقارالىق ىزدەۋ جاريالانعان 3 قىلمىسكەردى قولعا ءتۇسىردى. حالىقارالىق ىزدەۋدە بولعاننىڭ بىرەۋى - وزبەكستان رەسپۋبليكاسىنىڭ 33 جاستاعى ازاماتى. وعان قاتىستى ​ 2019-جىلى رەسەي فەدەراتسياسى ءى ءى م ر ف قىلمىستىق كودەكسىنىڭ 160-بابىنىڭ 4-بولىگىمەن قىلمىستىق ءىس قوزعاعان»، - دەپ حابارلادى ​ دەپارتامەنتتىڭ باسپا ءسوز قىزمەتى.

اتىراۋ وبلىستىق پوليتسيا دەپارتامەنتى كريمينالدى پوليتسيا باسقارماسىنىڭ قىزمەتكەرلەرى ۇستاعان شەتەلدىك ​ ۋاقىتشا ۇستاۋ يزولياتورىنا قاماۋعا الىندى.