ارنايى تەحنيكا ىستەن شىقتى: اقتوبە اۋەجايىندا بىرنەشە رەيس كەشىكتىرىلۋدە

اقتوبە. قازاقپارات - اقتوبە اۋەجايىندا بىرنەشە اۆيارەيس كەشىكتىرىلىپ جاتىر، دەپ حابارلايدى قازاقپارات.

اۋەجايدىڭ باسپا ءسوز قىزمەتىنەن ءمالىم ەتكەندەي، ۇشىپ-قونۋ جولاعىندا جوندەۋ جۇمىستارىن جۇرگىزۋ بارىسىندا جالداپ الىنعان ارنايى تەحنيكا ىستەن شىقتى. قازىر تەحنيكانى ۇشىپ-قونۋ جولاعىنان ەۆاكۋاتسيالاۋ جۇمىستارى جۇرگىزىلىپ جاتىر.

وسى سەبەپتى كەلەسى رەيستەردىڭ كەلۋى كەشىكتىرىلەدى:

SCAT DV 711 الماتى - اقتوبە، اتىراۋعا قوسالقى اۋەجايعا جونەلتىلدى

SCAT DV نۇر-سۇلتان - اقتوبە، اتىراۋعا قوسالقى اۋەجايعا جونەلتىلدى

AIR ASTANA ك س 965 نۇر-سۇلتان - اقتوبە، اتىراۋعا قوسالقى اۋەجايعا جونەلتىلدى

AZAQ AIR IQ 366 تۇركىستان - اقتوبە، اتىراۋعا قوسالقى اۋەجايعا جونەلتىلدى

بۇدان بولەك، كەلەسى رەيستەردىڭ ۇشىپ شىعۋى كەشىكتىرىلۋدە:

SCAT DV 712 اقتوبە - الماتى

SCAT DV 722 اقتوبە - نۇر- سۇلتان

AIR ASTANA ك س 966 اقتوبە - نۇر-سۇلتان

QAZAQ AIR IQ 400 اقتوبە - نۇر-سۇلتان.

ەسكە سالايىق، كەشە اقتوبە اۋەجايىنىڭ ۇشىپ-قونۋ جولاعىندا اقاۋلار، جارىقشاقتار، اۋەايلاق پليتالارىنىڭ، ماستيكانىڭ قابىرشاقتانۋى انىقتالعانى حابارلانعان بولاتىن.

وسىعان بايلانىستى اۋەجايدىڭ ۇشىپ-قونۋ جولاعىن پايدالانۋ 17- ناۋرىزدان باستاپ ۋاقىتشا توقتاتىلادى. كەيىننەن اقتوبە اۋەجايىندا انىقتالعان اقاۋلاردى جويۋ جۇمىستارى باستالعانى ءمالىم ەتىلدى.