ورداباسىلىق وتباسىنىڭ شاڭىراعىندا ۇشەم دۇنيەگە كەلدى

تۇركىستان. قازاقپارات - ورداباسىلىق وتباسىنىڭ شاڭىراعىندا ۇشەم دۇنيەگە كەلدى، دەپ حابارلايدى قازاقپارات ءتىلشىسى.

تۇركىستان وبلىسىنىڭ 1№ وبلىستىق پەريناتالدىق ورتالىعىندا ۇشەم دۇنيەگە كەلدى. ورداباسى اۋدانىنىڭ تۇرعىنى ماقپال ابدۋراحيموۆا ءۇش ۇل بوساندى.

جاڭا تۋعان نارەستەلەرگە ماۋلەن، ماردان، مانسۋر ەسىمدەرى بەرىلدى. نارەستەلەردىڭ سالماعى 2030 گرام، 1675 گرام، 1700 گرام بولعان.

مەرزىمىنەن ەرتە تۋىلعان ۇشەمدەر دارىگەرلەرىنىڭ باقىلاۋىندا. پەرينيتالدىق ورتالىقتىڭ مەديتسينا قىزمەتكەرلەرى انا مەن سابيلەردىڭ دەنساۋلىعىن قاداعالاپ وتىر.

قازىرگى جاعدايلارى جاقسى. ۇشەم دۇنيەگە كەلگەن وتباسىندا ءبىر ۇل بار. كوپبالالى انا - ءۇي شارۋاسىندا وتىرعان ايەل، ال وتاعاسى - جەكە كاسىپكەر.

ايتا كەتەيىك، بۇل جىل باسىنان تۇركىستان وبلىسىندا دۇنيەگە كەلگەن ەكىنشى ۇشەمدەر. ياعني، 5- ناۋرىز كۇنى تۇركىستاندىق 33 جاستاعى نابات سادىكبەكوۆا ەسىمدى كەلىنشەك ءۇش ۇلدى دۇنيەگە اكەلگەن بولاتىن.

سابيلەرگە ومار، وسمان، مۋحامەد-الي ەسىمدەرى بەرىلدى.