الماتىدا بانكتىڭ ستاجەر-كەڭەسشىسى كليەنتتەردىڭ شوتىنان اقشا ۇرلاعان
الماتى قالالىق پوليتسيا دەپارتامەنتىنىڭ مالىمەتىنشە، الاياقتىق ارەكەت جاساعانى ءۇشىن 22 جاستاعى ي. ەسىمدى جاس قىز ۇستالدى.
ول ەكىنشى دەڭگەيلى بانكتەردىڭ ءبىرىنىڭ كليەنتتەرىن الداعان.
«كۇدىكتىنىڭ قىلمىستىق نيەتپەن بانككە ستاجەر-كەڭەسشى بولىپ جۇمىسقا ورنالاسقانى انىقتالدى. ونىڭ فۋنكسيونالدىق مىندەتىنە كليەنتتەردىڭ سمارتفوندارىنا موبيلدى قوسىمشانى ورناتۋعا جانە ولاردىڭ بانك كارتالارىن رەسۋرسقا قوسۋعا كومەكتەسۋ كىرەدى. بويجەتكەن كەيبىر كليەنتتىڭ كامەراسى بەينە تەكسەرۋدى قولدامايتىنىن العا تارتىپ، ولارعا ءوز سمارتفونى ارقىلى جەكە كابينەتتەر اشقان. سول ارقىلى پايدالانۋشىلاردىڭ جەكە دەرەكتەرىن سكرينشوتتاپ العان. سودان كەيىن ول كليەنتتەردىڭ جەكە دەرەكتەرى مەن قۇپيا ءسوزىن پايدالانىپ، قوسىمشاعا كىرىپ، ولاردىڭ شوتتارىنان اقشا شەشىپ العان. كوبىنە اقشانى ءۇشىنشى ادامداردىڭ كارتاسىنا اۋدارعان»، - دەدى الماتى قالالىق پ د كريمينالدىق پوليتسيا باسقارماسىنىڭ باستىعى قۋاتبەك ناۋاتوۆ.
كۇدىكتىگە قاتىستى ق ر ق ك- ءنىڭ 190-بابىندا (الاياقتىق) كوزدەلگەن قىلمىس بويىنشا قىلمىستىق ءىس تەرگەلۋدە.
ونىڭ باسقا دا زاڭسىز ارەكەتتەرگە قاتىسى بار-جوعى تەكسەرىلىپ جاتىر.
