قازاقستان س ءى م باسشىسى تۇركى اكادەمياسىنىڭ پرەزيدەنتىمەن كەزدەستى

نۇر-سۇلتان. قازاقپارات - قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى تۇركى اكادەمياسىنىڭ پرەزيدەنتى دارحان قىدىرالىمەن كەزدەستى، دەپ حابارلايدى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

دارحان قىدىرالى اكادەميانىڭ قاتىسۋشى ەلدەرمەن جانە حالىقارالىق ۇيىمدارمەن، اتاپ ايتقاندا ب ۇ ۇ، يۋنەسكو، يسەسكو، كومستەكپەن جۇرگىزىلىپ جاتقان جۇمىسى جانە ىنتىماقتاستىقتى دامىتۋ تۋرالى حاباردار ەتتى. ول سونداي-اق اكادەميانىڭ احمەت بايتۇرسىنوۆتىڭ 150 جىلدىعىنا، ءنازىر تورەقۇلوۆتىڭ 130 -جىلدىعىنا جانە مۇحتار اۋەزوۆتىڭ 125 -جىلدىعىنا ارنالعان ءىس- شارالارعا قاتىسۋ جوسپارلارى تۋرالى ايتىپ، بيىل تۇركى الەمىنىڭ رۋحاني استاناسى - تۇركىستان قالاسىندا تۇركولوگيانىڭ دۇنيەجۇزىلىك كونگرەسىن وتكىزۋگە دايىندىق بارىسى تۋرالى حابارلادى.

مينيستر اكادەميانىڭ قاتىسۋشى ەلدەردىڭ عىلىمي جانە مادەني-گۋمانيتارلىق ىنتىماقتاستىعىن ىلگەرىلەتۋدەگى بەلسەندى جۇمىسىن جوعارى باعالادى.

كەزدەسۋگە تۇركى مەملەكەتتەرى ۇيىمى جانىنداعى اقساقالدار كەڭەسىنىڭ مۇشەسى ي. ادىربەك تە قاتىستى. تۇركى اكادەمياسى 2010-جىلى 25- مامىردا قازاقستاننىڭ باستاماسىمەن قۇرىلىپ، قازىرگى ۋاقىتتا تۇركولوگيانىڭ حالىقارالىق تانىلعان عىلىمي ورتالىعىنا اينالدى.

اكادەمياعا مۇشە ەلدەر:

ازەربايجان، قازاقستان، قىرعىزستان جانە تۇركيا. ماجارستان بايقاۋشى مارتەبەسىنە يە. حالىقارالىق ۇيىمنىڭ شتاب-پاتەرى نۇر-سۇلتان قالاسىندا ورنالاسقان.