ءولىم جوق. تەك الەم دۇنيە اراسىنداعى وتەر جول بار

نۇر- سۇلتان. قازاقپارات - امەريكا جەرىن مەكەن ەتەتىن ۇندىستەردىڭ ماتەلدەرىنە نازار سالىڭىزدار.

ايتارىڭ بولسا، ورنىڭنان كوتەرىل، جۇرت سەنى كورۋى كەرەك.

ىسىلداعان ۋلى جىلان ايبات شەككەنىن بايقاساڭ، ودان بۇرىن سوعىپ ۇلگەر.

ءولىم جوق. تەك الەم دۇنيە اراسىنداعى وتەر جول بار.

اتتى باعاناعا بايلاپ قويعاندا ونى كۇشپەن بوسانىپ كەتەدى دەپ ويلايسىز با؟ جاقسى ادام تەك جاقسىلىقتى كورەدى.

كوزدە تامشى جاس بولماسا، جۇرەككە كەمپىرقوساق ورناماس ەدى.

جەر بەتىندە بارلىعى ءوز ماقساتىمەن جۇرەدى. ءتىپتى ءدارىنىڭ دە اۋرۋدى ەمدەيتىن ماقساتى بار.

ادامنىڭ تاعدىرى بار.

باقا ءوزى جۇرگەن شالشىقتان سۋ ىشپەيدى.

وزگەلەردىڭ قاتەلىگىن جىپكە تىزبەس بۇرىن ءوز سوڭىڭداعى ىزگە كوز سال.

جاۋ ءارقاشان جاۋ، دوس ءدايىم دوس بولا بەرمەيدى.

الەمدە اركىمنىڭ ءوز ءانى بار.

ايتقانىڭدى ۇمىتىپ قالامىن، كورسەتكەنىڭدى ەسىمە تۇسىرە المايمىن، وزىمە ىستەتسەڭ تۇسىنەمىن.

اق ادامنىڭ باستىعى كوپ.

ساسىق ءيىستى بولۋدىڭ جولى كوپ.

اعىسپەن ءتىپتى ءولى بالىق تا جۇزە الادى.

ءوز ءۇنىڭدى ەستۋ ءۇشىن تىنىشتىق كەرەك. «كەرەك» - ايتەۋىر ءولۋ كەرەك.

تاماق جەپ وتىرعاندا بالالارمەن سويلەس.

ءوزىڭ كەتكەندە دە ءسوزىڭ قالادى.

ءدال تاستالعان بالتادان جاقسى ايتىلعان ءسوز ارتىق.

ادام ءوز باعىتىن ءوزى جاساۋى قاجەت.

كوپىرگەن كوك اۋىزدان تىنشىعان تۇيىق ون ەسە اقىلدى.

بالا - ۇيىڭدەگى قوناعىڭ: تاماقتاندىر، ۇيرەت، جونىنە جىبەر.

Massaget.kz