اقتاۋداعى ايگىلى قوناق ۇيگە ايىپپۇل سالىندى

نۇر- سۇلتان. قازاقپارات – كاسپي تەڭىزى مەن قاراكولگە سارقىندى سۋ اعىزعانى ءۇشىن Rixos قوناقۇيىنە سالىناتىن ايىپپۇل كولەمى 76 ميلليون 200 مىڭ تەڭگە، دەپ حابارلايدى «حابار 24».

ەكولوگيالىق زاڭ تالاپتارىن بۇزعان سەرىكتەستىككە 6 اكىمشىلىك ءىس قوزعالعانىن بۇعان دەيىن ايتقان بولاتىنبىز. جوسپاردان تىس جۇرگىزىلگەن تەكسەرۋلەر قوس قۇبىر سۋىنىڭ قۇرامىندا نيترات پەن حلوردىڭ شامادان ارتىق مولشەردە ەكەنىن كورسەتكەن. حاۋىزدار جانە كارىزدىك تازارتۋ قوندىرعىلاردان شىققان سۋدىڭ قورشاعان ورتاعا توگىلىپ كەلگەنى انىقتالدى. قازىرگى ۋاقىتتا الگى قۇبىرلار اجىراتىلدى. تاۋەلسىز ساراپشىلار كورسەتكەن اقاۋلىقتار جويىلعانشا جاعداي ۋاكىلەتتى ورگاننىڭ باقىلاۋىندا بولادى.

رۋسلان توكەنوۆ، وڭىرلىك ەكولوگيا دەپارتامەنتىنىڭ باسشىسى:

- تەڭىزگە باعىتتاعى قۇبىردان سۋ تازالاۋ قوندىرعىسىنان شىعاتىن اشۋ سۋدى توككەن جانە حاۋىزداردان جيناقتالعان سۋدى توككەن. زاڭبۇزۋشىلىقتى جويۋ جونىندە ناقتى نۇسقاما بەرىلدى. قازىرگى تاڭدا اتالعان كومپانيامەن بۇل باعىتتا ءتيىستى ءىس- شارا جاساقتالدى.