رەسەي ءداندى داقىل مەن قانت ەكسپورتىنا تىيىم سالدى

بولجام بويىنشا شەكتەۋ شارالارى تامىزدىڭ 31-ىنە دەيىن كۇشىندە بولادى. ەكونوميكالىق دامۋ مينيسترلىگىنىڭ حابارلاۋىنشا، بۇل شەشىم ەلدىڭ ازىق- تۇلىك قاۋىپسىزدىگىن قامتاماسىز ەتۋ ءۇشىن قابىلدانىپ وتىر. بيلىكتىڭ بۇل ۇسىنىسى ناۋرىزدىڭ 17- ءسى وتەتىن ەۋرازيالىق ەكونوميكالىق كوميسسيانىڭ وتىرىسىندا قاراستىرىلماق. اۋىلشارۋاشىلىق مينيسترلىگىنىڭ مالىمەتى بويىنشا قازىر رەسەي 150 پروتسەنتكە ءداندى داقىلدارمەن قامتاماسىز ەتىلگەن.

ايتا كەتەيىك، رەسەيدە سوڭعى ءبىر اپتانىڭ ىشىندە بيدايدىڭ باعاسى 40 پروتسەنتكە قىمباتتاعان. مۇنداي رەكوردتىق ءوسىم سوڭعى 14 جىلدا بولماعان دەيدى ساراپشىلار. ال Bloomberg اگەنتتىگىنىڭ مالىمەتىنە سايكەس، ۋكرايناداعى اسكەري قاقتىعىس الەمدىك بيداي ەكسپورتىنىڭ تورتتەن ءبىر بولىگىن قىسقارتىپ تاستاعان.