ەلىمىزدەگى وڭىرلىك ج و و- لارعا «ۇلتتىق» مارتەبەسىن بەرۋ ۇسىنىلدى

نۇر- سۇلتان. قازاقپارات - قازاقستاندا وڭىرلىك ۋنيۆەرسيتەتتەرگە «ۇلتتىق» مارتەبەسىن بەرۋ ۇسىنىلدى، دەپ حابارلايدى قازاقپارات ءتىلشىسى.

«وتاندىق ج و و- نىڭ قۇرىلىمىن وزگەرتۋ وزەكتى ماسەلەنىڭ ءبىرى. ساناۋلى جوعارى وقۋ ورنىن عانا سونىمەن قاتار مادەنيەت، عىلىم جانە ونەر ۇيىمدارىنا «ۇلتتىق» مارتەبەسىن ەنگىزۋ پرينتسيپتەرى دە ماڭىزدى. بىزدە تەك نۇر- سۇلتان مەن الماتى قالاسىندا عانا بىرنەشە ۋنيۆەرسيتەتكە ۇلتتىق مارتەبەسى بەرىلگەن. سوندا باسقا وڭىرلەردەگى ج و و ۇلتقا قىزمەت ەتىپ جاتقان پا؟ وسى ورايدا ءبىرقاتار وڭىرلىك جوعارى وقۋ ورىندارىنا «ۇلتتىق» مارتەبەسىن بەرۋدى ۇسىنامىن»، - دەدى ل. گۋميليەۆ اتىنداعى ە ۇ ۋ- نىڭ رەكتورى ەرلان سىدىقوۆ رەپۋبليكالىق رەكتورلار كەڭەسىنىڭ وتىرىسىندا.

ونىڭ ايتۋىنشا، ۇلتتىق مارتەبەگە يە وڭىرلىك ۋنيۆەرسيتەتتەردىڭ سانى جەتكىلىكتى.

«اتالعان مارتەبە وڭىرلەردە جوعارى ءبىلىم بەرۋدىڭ جاڭا لوكوماتيۆتەرىن قالىپتاستىرۋعا قارقىن بەرەدى. بۇل بۇكىل جوعارى ءبىلىم بەرۋدىڭ مۇددەسىنە ساي دەپ ويلايمىن. مەملەكەت باسشىسىنىڭ جاڭا قازاقستان تۇجىرىمداماسىنداعى باستى پرينتسيپتەردىڭ ءبىرى. ياعني مىقتى ورتالىق، مىقتى ءوڭىر»، - دەيدى ول.

بۇعان دەيىن ۋنيۆەرسيتەت باسشىسى قازاقستاندا 5 - قىركۇيەكتى ستۋدەنتتەر كۇنى ەتىپ بەكىتۋ يدەياسىن ۇسىنعان ەدى.

ايتا كەتەيىك، بۇگىن ەلورداداعى ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىندە رەسپۋبليكالىق رەكتورلار كەڭەسىنىڭ وتىرىسى ءوتتى.

اۆتور: ءالي يبرايەۆ