ەۋرووداق باسشىلارى ۋكراينانىڭ ەۋرووداققا شۇعىل كىرۋ باستاماسىنا قولداۋ ءبىلدىردى
وندا وعان مۇشە ەلدەردىڭ كوشباسشىلارى مەن بريۋسسەل وكىلدەرى كيەۆتى قولداۋ جانە ماسكەۋگە قارسى سانكسيالار ەنگىزۋ ماسەلەسىن قارادى، دەپ حابارلايدى قازاقپارات ەۋرونيۋسكە سىلتەمە جاساپ.
كۇن تارتىبىندەگى ماسەلەلەردىڭ ءبىرى - ۋكراينانىڭ ەۋرووداققا كىرۋگە شۇعىل ۇسىنىسى. بۇل يدەيانى شىعىستاعى مۇشە ەلدەر قولداپ جاتىر، ءبىراق باسقا كوپتەگەن ەلدەر بۇل پروتسەدۋرانىڭ ايتارلىقتاي كوپ ۋاقىت قاجەت ەتەتىنىن العا تارتۋدا. كەزەكتە كوپتەگەن جىلدار بويى بىرنەشە ەل تۇر، ولار مۇشەلىكتىڭ كريتەريىنە ساي كەلۋ ءۇشىن كوپ نارسە جاساعان.
«نيدەرلاندى مەن ۋكراينانىڭ يىق تىرەستىرىپ تۇرعانىنا ەشكىمنىڭ كۇمانى بولماسىن. ءبىراق ۇيىمعا قوسىلۋدى جەدەلدەتۋ دەگەن تۇسىنىك جوق»، - دەدى گوللاندىق پرەمەر-مينيستر مارك ريۋتتە.
تالقىلاۋدىڭ تاعى ءبىر تاقىرىبى - بلوكتىڭ رەسەيلىك ەنەرگيا كوزدەرىنە تاۋەلدىلىگىن قالاي جەڭۋگە بولاتىنى تۋرالى. ونى ساتىپ الۋدى جىل سوڭىنا دەيىن ۇشتەن ەكىگە قىسقارتۋ ۇسىنىلدى. كوشباسشىلار بىرتىندەپ باسقا جەتكىزۋشىلەرگە نەمەسە باسقا كوزدەرگە اۋىسۋ قاجەتتىگىمەن كەلىستى.
اۆتور: اقبوپە ءابدراسۋل
