تۋريزم ارال تەڭىزىنە جاڭا ءۇمىت بەرە الادى – ا ق ش عالىمى

نۇر-سۇلتان. قازاقپارات - ارال تەڭىزىنە ساياحات تۋريستەر ءۇشىن دەمالىستىڭ تارتىمدى ءتۇرى بولۋى مۇمكىن.

سونىڭ ەسەبىنەن جاقىن ورنالاسقان ەلدى مەكەندەر تۇرعىندارىنىڭ جاعدايىن جاقسارتۋعا بولادى. ساياحاتشىلاردى تاياز كولدىڭ ورنىندا پايدا بولعان ءشول، سونداي-اق سول جەردە تاستالعان «ەلەس كەمەلەرى» قىزىقتىرادى. جەرگىلىكتى تۇرعىندار سوعان باسا نازار اۋدارۋى كەرەك، - دەپ حابارلايدى Kaz.tengritravel.kz ءتىلشىسى نوتتينگەم ترەنت ۋنيۆەرسيتەتىنىڭ سايتىنا سىلتەمە جاساپ.

ۋنيۆەرسيتەت پروفەسسورى مايك روبينسون ءوز بلوگىندا شەتەلدىك تۋريستەردى ءشول دالادا تاستالعان جانە توت باسقان كەمەلەر قىزىقتىراتىنىن جازدى. ولار نەگىزىنەن قاراقالپاقستان اۆتونوميالىق رەسپۋبليكاسىنىڭ مويناق قالاسىندا، وزبەكستان اۋماعىندا ورنالاسقان.

مامان بۇل جەرلەرگە بارۋ كوپتەگەن ادامد ءۇشىن، اسىرەسە جاس، ەكولوگيالىق سانالى ساياحاتشىلار ءۇشىن مىندەتتى تاجىريبە دەپ سانايدى. مايك روبينسون تۋريستەردى قابىلداپ، جەرگىلىكتى ەكونوميكانىڭ دامىتۋعا بولادى دەپ بولجايدى: تۇرۋ ورىندارى، مەيرامحانالار، گيدتەر كەرەك. سونىمەن قاتار، ءبىلىم بەرۋ، مادەني تۋريزم الەمدىك قوعامداستىقتىڭ نازارىن ەكولوگيالىق پروبلەمالارعا اۋدارادى.

ارالدىڭ قازاقستاندىق بولىگىندە دە بورعا تاستالعان كەمەلەر بار. ءتورت جىل بۇرىن ماماندار ولاردى قازاقستان ۇلتتىق گەوگرافيالىق قوعامىنىڭ ەكسپەديتسياسى كەزىندە كورگەن. الايدا، ولار مەتالل اڭشىلاردىڭ ولجاسىنا اينالدى.