قازاقستاندىق بياتلونشى پاراليمپيادادا ونەر كورسەتتى

بەيجىڭ. قازاقپارات - قىسقى پاراليمپيادا ويىندارىندا بياتلوننان ەرلەر اراسىندا 12,5 شاقىرىمعا وتىرىپ جارىسۋ سايىسى ءوتتى.

وعان قازاقستاندىق سپورتشى سەرگەي ۋسولتسەۆ قاتىستى، دەپ حابارلايدى قازاقپارات Sports.kz-كە سىلتەمەمەن.

جارىس قورىتىندىسى بويىنشا ۋسولتسيەۆ 15-ورىن الدى. ول ءبىر رەت نىسانانى ءدال كوزدەي المادى، جەڭىمپازدان +8:21.8 ۋاقىتقا قالىپ قويدى.

قىتايلىق ليۋ مەنتاو جەڭىمپاز اتانسا، ۋكراينالىق پارابياتلونشى تاراس راد - كۇمىس، قىتايلىق ليۋ جىسيۋ قولا جۇلدە الدى.

ەسكە سالا كەتەيىك، پاراليمپيادا-2022 ويىندارىندا قازاقستان قورجىنىندا ءبىر قولا مەدال بار. ونى پارابياتلوندا الەكساندر گەرليتس جەڭىپ الدى.

بەيجىڭدەگى پاراليمپيادا ويىندارى 13-ناۋرىزدا اياقتالادى. قازاقستاننان جارىسقا سپورتتىڭ ەكى ءتۇرى - پاراشاڭعى مەن پارابياتلوننان 13 اتلەت قاتىسىپ جاتىر.