وتاندىق عالىم تىزەنى ەمدەيتىن گيدروگەل ويلاپ تاپتى

نۇر-سۇلتان.قازاقپارات - ەلىمىزدە تىزە جاراقاتىن ەمدەۋ جىلدام ءارى قاۋىپسىز بولعالى تۇر. وتاندىق عالىم ويلاپ تاپقان گيدروگەل كلينيكالىق سىناقتان وتكىزىلە باستادى.

ماماندار ونى امبەباپ دارىگە بالايدى. سۇيىقتىق تىزە بۋىنىنىڭ شەمىرشەگىن قالپىنا كەلتىرەتىن قاسيەتكە يە ەكەن. سول ارقىلى ناۋقاس اۋرۋىنان تولىق ايىعادى. ال بۇعان دەيىن سۇيەكتىڭ بۇلىنگەن جەرىنە پروتەز ورناتاتىن. ول قىمبات ءارى ەرەكشە كۇتىمدى قاجەت ەتەدى. كەيدە قىزمەت كورسەتۋ ۋاقىتى دا شەكتەۋلى. ال جاڭا ءدارىنى جاساۋدا ادامنىڭ ءوز جاسۋشاسى نەگىزگە الىنعاندىقتان اعزاعا ەنگىزىلگەن سوڭ ول شەمىرشەكتى وزدىگىنەن قالپىنا كەلتىرەدى.

ولجاس بەكارىسوۆ، ۇلتتىق عىلىمي تراۆماتولوگيا جانە ورتوپەديا ورتالىعىنىڭ ديرەكتورى:

- تەك ءبىزدىڭ تراۆماتولوگيا جانە ورتوپەديا ۇلتتىق عىلىمي ورتالىعىندا جىل سايىن 1500 ادامنىڭ بۋىنىنا وپەراتسيا جاسالادى. قانشا ادام كەزەگىن كۇتۋدە. جاڭا ءادىس بۇدان دا كوبىرەك ناۋقاستى ەمدەۋگە مۇمكىندىك بەرەدى دەپ ويلايمىز. تراۆماتولوگتار ءۇشىن بۇل ناعىز جاڭالىق.

ۆياچەسلاۆ وگاي، جوبا اۆتورى:

- وسى ناتيجەگە جەتۋ ءۇشىن الدىمەن زەرتحانادا جانۋارلارعا سىنىق وتكىزدىك. ەكى جىلدىق زەرتتەۋدەن سوڭ جوبامىز تولىق دايىن بولدى. ونەرتابىستى پاتەنتتەدىك. بارلىق جۇمىس ەلوردادا وتكىزىلدى. سۇيىقتىقتى جاساۋعا قاجەتتى زاتتاردىڭ ءبارى وزىمىزدە بار دەپ ايتۋعا بولادى. الەمدە مۇنداي گەلدىڭ ءۇش بالاماسى بار. بىزدىكى ناۋقاستىڭ ءوز جاسۋشاسىنان جاسالاتىندىعىمەن ەرەكشەلەنەدى.

www.24.kz