قازاقستاندا التىن قورى ازايدى
ال جىل باسىندا ول 407 توننا بولعان. قازاقستان التىن قورى بويىنشا تۇركيا مەن پورتۋگاليانىڭ ورتاسىندا، 13-ورىندا تۇر. التىن قورى بويىنشا ا ق ش، گەرمانيا جانە يتاليا الدىڭعى قاتاردا. ال Comex بيرجاسىنداعى قىمبات مەتالدىڭ ءبىر ترويا ۋنتسياسى شامامەن ەكى مىڭ دوللارعا ساتىلىپ جاتىر. ۇلتتىق بانكتىڭ سايتىندا ءبىر گرامم التىن 32400 تەڭگە تۇرادى.
ۆەنەسۋەلا مۇناي ءوندىرىسىن ەكى ەسە ارتتىرادى
ۆەنەسۋەلا بيىل مۇناي ءوندىرىسىن ەكى ەسە ارتتىرىپ، تاۋلىگىنە 2 ميلليون باررەل قارا التىن وندىرمەك. بۇل تۋرالى ەلدىڭ Petroleos de Venezuela SA دەگەن مەملەكەتتىك ەنەرگەتيكالىق كومپانياسى حابارلادى. قازىر ۆەنەسۋەلادا تاۋلىگىنە 1 ميلليون باررەل مۇناي شىعارىلادى.
«ۆەنەسۋەلا ينۆەستيتسيالارعا اشىق. مۇناي مەن گاز وندىرۋگە، بۇكىل الەمدە، سونىڭ ىشىندە ا ق ش- تا مۇناي- گاز تۇراقتىلىعىن قامتاماسىز ەتۋگە دايىن»، - دەلىنگەن حابارلامادا.
الەمدە ازىق- تۇلىك داعدارىسى كۇشەيدى
جاھاندىق ازىق- تۇلىك داعدارىسى كۇشەيە ءتۇستى. يندونەزيا پالما مايى ەكسپورتىنا شەكتەۋ قويىپ، ازىق- تۇلىك قورىن ءوز ەلىندە ساقتاپ قالۋعا تىرىسقان ەلدەردىڭ ءتىزىمىن تولىقتىردى. بۇل تۋرالى finversia.ru. حابارلادى.
ۋكرايناداعى قاقتىعىس الەمدىك استىق وندىرىسىنە، ازىق- تۇلىك مايلارىن جەتكىزۋگە جانە تىڭايتقىشتار ەكسپورتىنا قاۋىپ توندىرەدى. بۇل نەگىزگى تاۋارلار باعاسىنىڭ قىمباتتاۋىنا اكەلەدى. مىسالى، پالما مايى الەمدەگى ەڭ كوپ قولدانىلاتىن وسىمدىك مايى. ول پەچەنە، مارگارين، كىر جۋاتىن ۇنتاق مەن شوكولاد وندىرۋدە قولدانىلادى. بيىل پالما مايىنىڭ باعاسى %50 كە ءوستى. ب ۇ ۇ- نىڭ ازىق- تۇلىك اگەنتتىگىنىڭ دەرەكتەرى بويىنشا اقپاندا ازىق- تۇلىكتىڭ الەمدىك باعاسى %20,7 كە قىمباتتادى. الەمدىك استىق ءوندىرىسى دە تومەندەۋى مۇمكىن. ويتكەنى تابيعي گازدىڭ قىمباتتاۋىنان تىڭايتقىشتار ءوندىرىسى قىسقارۋى ىقتيمال.
www.24.kz
