ۋكرايناداعى جاعداي كەسىرىنەن الەمدە اشتىق تاۋقىمەتىن تارتۋ ارتادى

نۇر-سۇلتان.قازاقپارات - ۋكرايناداعى جاعداي كەسىرىنەن الەمدە اشتىق تاۋقىمەتىن تارتاتىن ادامدار سانى ايتارلىقتاي ارتادى. بۇل تۋرالى بىرىككەن ۇلتتار ۇيىمى ازىق- تۇلىك جانە اۋىلشارۋاشىلىق ۇيىمىنىڭ كونفەرەنتسياسىندا ايتىلدى.

جيىنعا جينالعانداردىڭ ايتۋىنشا، سوڭعى بىرنەشە جىلدا جاعداي كۇرت ناشارلاپ كەتكەن. ىندەت كەزىندە اشتىقتان قينالىپ جۇرگەندەردىڭ قاتارى 161 ميلليونعا ارتقان. بۇگىندە ولاردىڭ جالپى سانى 820 ميلليوننان اسادى ەكەن. بۇدان بولەك ۋكراينا مەن رەسەي اراسىنداعى قاقتىعىس ازاماتتاردى ازىق- تۇلىكپەن قامتاماسىز ەتۋ جاعىنان اسەر ەتەتىن كورىنەدى.

گابريەل فەررەرا دە لوما- وسوريو، دۇنيەجۇزىلىك ازىق- تۇلىك قاۋىپسىزدىگى كوميتەتىنىڭ باسشىسى:

- جاڭا سىن- قاتەرلەر تاياپ كەلە جاتىر. ۋكراينا مەن رەسەي الەمدەگى ەڭ ءىرى استىق پەن تىڭايتقىشقا قاجەتتى شيكىزات وندىرۋشىلەردىڭ ءبىرى. سوندىقتان قازىرگى شيەلەنىس تەك ازىق- تۇلىك باعاسىنا عانا ەمەس، ولاردىڭ بولۋ بولماۋىنا دا اسەر ەتەدى.

www.24.kz