بيىل استانالىق ۇ و س ارداگەرلەرىنە قانداي كولەمدە سىياقى بەرىلمەك
بۇل تۋرالى نۇر-سۇلتان قالاسى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ مىندەتىن اتقارۋشى يليا سكۋب ءمالىم ەتتى، دەپ حابارلايدى قازاقپارات ءتىلشىسى.
«بيىل جەڭىس كۇنىن مەرەكەلەۋگە بايلانىستى ۇلى وتان سوعىسى ارداگەرلەرىنە قوسىمشا الەۋمەتتىك كومەك كورسەتۋ تۋرالى ءماسليحات شەشىمدەرىنىڭ جوبالارىن قاراۋ ۇسىنىلادى. وسى جىلى ەلوردادا 18 سوعىس ارداگەرىنە 1005221 تەڭگە كولەمىندە سىياقى تولەۋ جوسپارلانىپ وتىر»، - دەدى يليا سكۋب ەلوردا ءماسليحاتىنىڭ وتىرىسىندا.
ءسوز العان قالالىق ءماسليحات دەپۋتاتى باۋىرجان جانقوناقوۆ سوعىس ارداگەرلەرىنە بەرىلەتىن سىياقى كولەمىنىڭ ازدىعىن العا تارتتى.
«مەنىڭشە، ارداگەرلەرگە بەرىلەتىن سىياقىنىڭ كولەمى از. ەلوردا بويىنشا نەبارى 18 ارداگەر قالعان، سوعىستى كورگەن سوڭعى جاندار. ارداگەرلەر 1 ميلليون تەڭگە عانا ەمەس، ودان كوپ سىياقىعا لايىقتى»، - دەيدى ول.
دەپۋتتاتىڭ بۇل ويىنا قاتىستى قالالىق جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ مىندەتىن اتقارۋشى يليا سكۋب پىكىر ءبىلدىردى.
«استانالىق سوعىس ارداگەرلەرىنە جەڭىس مەيرامى قارساڭىندا قارجىلىق قولداۋ جىل سايىن كورسەتىلىپ كەلەدى. سىياقىنىڭ كولەمىن ق ر ەڭبەك جانە حالىقتى الەۋمەتتىك قورعاۋ مينيسترلىگى بەلگىلەپ وتىر. مينيسترلىكتىڭ بەلگىلەۋى بويىنشا ەلىمىزدىڭ بارلىق وڭىرىندە قولداۋ بىردەي دەڭگەيدە كورسەتىلۋى ءتيىس»، - دەپ جاۋاپ قاتتى باسقارما باسشىسى.
بۇعان دەيىن حابارلاعانىمىزداي ەلوردادا الەۋمەتتىك قولداۋعا مۇقتاج جاندارعا بەرىلەتىن تولەمنىڭ كولەمىن ارتتىرۋ ۇسىنىلدى.
