كاتونقاراعاي ۇلتتىق پاركىندە قار بارىسى فوتوتۇزاققا ءتۇسىپ قالدى

وسكەمەن. قازاقپارات - شىعىس قازاقستان وبلىسىنداعى كاتونقاراعاي ۇلتتىق پاركىندە قار بارىسى فوتوتۇزاققا ءتۇسىپ قالدى، دەپ حابارلايدى قازاقپارات ءتىلشىسى.

بۇل فوتوتۇزاق كاتونقاراعاي ۇلتتىق تابيعي پاركى اۋماعىندا ورناتىلعان. وعان قار بارىسى ءتۇسىپ قالدى.

وسىعان دەيىن دە قار بارىسى تابيعي پاركتەگى فوتوتۇزاق وبەكتيۆىنە ىلىككەن بولاتىن. ماسەلەن، قازاقستان رەسپۋبليكاسىنىڭ قىزىل كىتابىنا جانە حالىقارالىق تابيعاتتى قورعاۋ وداعىنىڭ قىزىل تىزىمىنە ەنگىزىلگەن Panthera uncia قار بارىسى 2021-جىلدىڭ ءساۋىر ايىندا كاتونقاراعايدىڭ سارىمساقتى جوتاسىندا العاش رەت فوتوتۇزاققا ءتۇسىپ قالعان ەدى.

ايتا كەتەيىك، كاتونقاراعاي مەملەكەتتىك ۇلتتىق تابيعي پاركى 2001-جىلى قۇرىلعان. ول ەلىمىزدەگى ەڭ ءىرى جانە ەرەكشە قورعالاتىن تابيعي اۋماق.

مۇندا كوككول سارقىراماسى، «راحمان قاينارلارى» جىلۋ كوزدەرى، بەرەل قورعاندارى، ۇلى جىبەك جولىنىڭ سولتۇستىك تارماعى جانە 643 مىڭ گەكتاردان استام اسەم تابيعات اۋماعىندا شوعىرلانعان باسقا دا كوپتەگەن كورىكتى جەرلەر بار.