قازاقستاندا وتاندىق عالىم ازىرلەگەن بىرەگەي گيدروگەلدى قولدانۋ ارقىلى وتا جاسالدى
بۇل ادىستەمە قازاقستان رەسپۋبليكاسى ءبىلىم جانە عىلىم مينيسترلىگىنىڭ 2021-2022 -جىلدارعا ارنالعان عىلىمدى باعدارلامالىق- نىسانالى قارجىلاندىرۋ باعدارلاماسى اياسىندا ازىرلەندى، دەپ حابارلايدى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ.
«بۇل مەملەكەت باسشىسىنىڭ مەديتسينالىق- بيولوگيالىق زەرتتەۋلەردىڭ باسىمدىعى جانە ەلدىڭ دامۋىنا عىلىمنىڭ ۇلەسىن ارتتىرۋ تۋرالى تاپسىرمالارىن ىسكە اسىرۋدىڭ العاشقى پراكتيكالىق ناتيجەلەرىنىڭ ءبىرى. عىلىمدى قارجىلاندىرۋدىڭ ەكى ەسەدەي ارتۋى ارقاسىندا قازاقستاندىقتاردىڭ ءومىر ءسۇرۋ ساپاسىن جاقسارتۋعا باعىتتالعان كوپتەگەن عىلىمي يدەيا مەن ازىرلەمەنى قولداۋ مۇمكىندىگى ارتتى. قازاقستاندىق عالىمدار QazVac ۆاكسيناسىن جاساپ شىعاردى، ايتحوجين اتىنداعى مولەكۋليارلىق بيولوگيا جانە بيوحيميا ينستيتۋتى قانت ديابەتىن ەمدەۋگە ارنالعان جوبانى ەنگىزىپ جاتىر. بۇگىن باستالعان بۋىنداردى قالپىنا كەلتىرۋگە ارنالعان گيدروگەلدىڭ كلينيكالىق زەرتتەۋلەرى ۇلتتىق بيوتەحنولوگيا ورتالىعى ن. باتپەنوۆ اتىنداعى تراۆماتولوگيا جانە ورتوپەديا ۇلتتىق عىلىمي ورتالىعىمەن بىرلەسىپ جۇزەگە اسىراتىن عىلىمي باعدارلامانىڭ ءبىر بولىگى. بۇل قازىرگى تاڭدا ب ع م قارجىلاندىراتىن 59 عىلىمي- تەحنيكالىق باعدارلامانىڭ ءبىرى ەكەنىن دە ايتا كەتكەن ءجون. ونىڭ بارلىعى ناقتى ومىرلىك ماسەلەلەردى شەشۋگە باعىتتالعان»، - دەپ اتاپ ءوتتى ق ر ب ع م عىلىم كوميتەتىنىڭ ءتورايىمى جاننا قۇرمانعاليەۆا.
جاڭا ادىستەمەنىڭ نەگىزگى ازىرلەۋشىسى - ۇلتتىق بيوتەحنولوگيا ورتالىعىنىڭ ءدىڭ جاسۋشالارى زەرتحاناسىنىڭ مەڭگەرۋشىسى ۆياچەسلاۆ وگاي.
«موديفيكاتسيالانعان فيبرين گيدروگەلىنەن، پاتسيەنتتىڭ ءوز ءدىڭ جاسۋشالارىنان تۇرۋى گيدروگەلدىڭ بىرەگەيلىگى بولىپ ەسەپتەلەدى. وسىنىڭ ارقاسىندا زاقىمدالعان شەمىرشەكتى قالپىنا كەلتىرۋ كۇشەيىپ، جەدەلدەتىلەدى. جاڭا تەحنيكا پاتسيەنتتەردىڭ ءومىر ءسۇرۋ ساپاسىنا جاقسى اسەر ەتىپ، مۇگەدەكتىكتى ازايتادى دەپ جوسپارلانىپ وتىر. ناتيجەسىندە تىزە بۋىنىن ەندوپروتەزدەۋگە مۇقتاج ادامدار سانى ازايادى»، - دەپ ايتتى ۆياچەسلاۆ وگاي.
دارىگەرلەر وڭ جاق تىزە بۋىنىنىڭ ارتروزى بار 28 جاستاعى ناۋقاسقا وتا جاسادى. كلينيكالىق سىناقتارعا بارلىعى 25 پەن 60 جاس ارالىعىنداعى 80 ەرىكتى قاتىسادى، ونىڭ ىشىندە بۋىندارىندا جاسىنا بايلانىستى وزگەرىستەرى بار ەگدە جاستاعى ادامدار، سونداي- اق كاسىبي جاراقات العان جاس سپورتشىلار بار. كلينيكالىق زەرتتەۋلەر حالىقارالىق كلينيكالىق زەرتتەۋلەر ستاندارتىنا (GCP) سايكەس جۇرگىزىلەدى. پاتسيەنتتەردىڭ قۇقىقتارىن، قاۋىپسىزدىگىن جانە ءال- اۋقاتىن قورعاۋدى قامتاماسىز ەتۋ ماقساتىندا پاتسيەنتتەردىڭ جەكە دەرەكتەرى جاريا ەتىلمەيدى. وسىعان دەيىن وتاندىق عالىمنىڭ كۇردەلى سىنىقتاردى ەمدەيتىن گيدروگەل ويلاپ تاپقانىن جازعان بولاتىنبىز.
