رەسەي مەن ۋكراينا سىرتقى ىستەر مينيسترلەرىنىڭ كەلىسسوزدەرى اياقتالدى

نۇر- سۇلتان. قازاقپارات – تۇركيادا رەسەي مەن ۋكراينا سىرتقى ىستەر مينيسترلەرىنىڭ كەلىسسوزدەرى اياقتالدى.

وسىدان كەيىن سەرگەي لاۆروۆ پەن دميتري كۋلەبا كەزدەسۋ قورىتىندىسى بويىنشا باسپا ءسوز جيىنىن وتكىزدى.

ۋكراينا سىرتقى ىستەر ءمينيسترى بىتىمگە كەلۋ بويىنشا ەشقانداي ىلگەرىلەۋ جوق، دەپ مالىمدەدى. ايتۋىنشا، جيىن كەزىندە ول رەسەيلىك ارىپتەسىمەن 24 ساعاتقا وق اتۋدى توقتاتۋ جاعىن تالقىلاعان ءبىراق بۇل ماسەلەدە ەشقانداي ىلگەرىلەۋ بولماپتى.

بۇدان بولەك، تاراپتار گۋمانيتارلىق ماسەلەلەرگە دە توقتالعان. ءوز كەزەگىندە سەرگەي لاۆروۆ كۇن سايىن گۋمانيتارلىق ءدالىز اشۋ تۋرالى باستاما كۇشىندە قالاتىنىن جەتكىزدى.

«رەسەي ۋكرايناعا شابۋىل جاساعان جوق جانە وزگە ەلدەرگە دە شابۋىل جاساۋ جوسپارى جوق. كەرىسىنشە، كيەۆ دونەتسك پەن لۋگانسك حالىق رەسپۋبليكالارىنا شابۋىل جاساماق بولدى»، - دەدى رەسەيدىڭ سىرتقى ىستەر ۆەدومستۆوسىنىڭ باسشىسى.

بۇدان بولەك، ناتو- نىڭ ۇلعايۋىنا دا توقتالعان لاۆروۆ بۇل ماسەلەدە اليانس رەسەيدىڭ مۇددەسىن ەسكەرۋدەن مۇلدەم باس تارتىپ وتىرعانىن اتاپ ءوتتى.

www.24.kz