18:23, 10 - ناۋرىز 2022 | GMT +6
اسكەرگە شاقىرىلعان ساربازداردىڭ ۋكرايناعا بارعانى راستالدى - رەسەي
نۇر- سۇلتان. قازاقپارات – رەسەي پرەزيدەنتى ەندى عانا اسكەرگە شاقىرتىلعان ساربازداردى ۋكرايناعا جىبەرگەندەردى جازالاۋدى تاپسىردى، دەپ حابارلايدى «حابار 24».
پۋتيننىڭ بۇيرىعىمەن باس اسكەري پروكۋراتۋراعا پرەزيدەنت تاپسىرماسىن ورىنداماعان لاۋازىمدى تۇلعالاردىڭ ارەكەتىن قۇقىقتىق جاعىنان باعالاۋ بويىنشا ءتيىستى ماتەريالدار جىبەرىلگەن.
بۇل تۋرالى كرەمل وكىلى دميتري پەسكوۆ حابارلادى. بۇعان دەيىن رەسەي قورعانىس مينيسترلىگى اسكەري بولىمشەلەردىڭ بىرىنە ديۆەرسيالىق توپ تاراپىنان شابۋىل جاسالىپ، بىرنەشە ساربازدىڭ تۇتقىنعا تۇسكەنىن حابارلاعان ەدى. قازىر ولاردى بوساتۋ بويىنشا شارالار قابىلدانىپ جاتىر.
www.24.kz
