ا ق ش ۋكرايناعا اسكەري ۇشاقتار بەرۋدەن باس تارتتى
ونىڭ ايتۋىنشا، مۇنداي قادام ناتو مەن رەسەي اراسىنداعى احۋالدى شيەلەنستىرىپ جىبەرۋى مۇمكىن. ەسكە سالا كەتەيىك، كيەۆ باتىستان اسكەري ۇشاقتار سۇراعان بولاتىن. وسىعان بايلانىستى وتكەن سەيسەنبى كۇنى پولشا «ميگ-29» ۇشاقتارىن ۋكرايناعا بەرۋگە دايىن ەكەنىن ايتقان ەدى. ءبىراق ولاردىڭ ورنىنا ا ق ش- تان قولدانىستاعى «ە ف-16» ۇشاعىن سۇراعان.
دجون كيربي، ا ق ش قورعانىس مينيسترلىگىنىڭ رەسمي وكىلى:
- ۋكراينانىڭ ارسەنالىن ۇشاقتارمەن تولىقتىرۋ رەسەيدىڭ مۇمكىندىكتەرىمەن سالىستىرعاندا ۋكراينانىڭ اۋە قارۋلى كۇشتەرىنىڭ تيىمدىلىگىن ارتتىرادى دەپ ويلامايمىز. سوندىقتان «ميگ-29-دان» پايدا از. ونىڭ ۇستىنە بۇل ۇشاقتاردى ۋكرايناعا بەرۋ رەسەي تاراپىنىڭ بىردەن نارازىلىعىن تۋعىزىپ، ناتو- مەن قارىم- قاتىناسىنىڭ شيەلەنىسۋىنە اكەلۋى ىقتيمال.
بۇگىن رەسەي مەن ۋكراينا سىرتقى ىستەر مينيسترلەرى انتاليادا باس قوسىپ، ۋكرايناداعى جاعدايدى تالقىلايدى. بىرەر ساعاتتان كەيىن باستالاتىن باسقوسۋدى تورتكۇل دۇنيە كۇتىپ وتىر. ۇشتىك كەزدەسۋ تاراپتار اراسىنداعى ەڭ جوعارعى دەڭگەيدەگى كەزدەسۋ. بۇعان دەيىن ۋكراينا مەن رەسەيدىڭ كىشى قۇرامداعى ەكى جاقتى كەلىسسوزدەرى بەلارۋس رەسپۋبليكاسىندا وتكەن بولاتىن.
تاريحي جيىننىڭ انتاليادا ءوتۋى بەكەر ەمەس. سەبەبى رەسەي مەن ۋكراينا تۇركيانىڭ كورشىلەس ەلى. قوس ەلمەن رەسمي انكارانىڭ ىنتىماقتاستىعى بارلىق سالادا جوعارى دەڭگەيدە. تۇرىك ەلى ەنەرگەتيكادان باستاپ ءداندى- داقىل سالاسىنا دەيىنگى ءبىرقاتار ونىمدەردى وسى مەملەكەتتەردەن يمپورتتايدى. سوندىقتان و باستان تۇركيا پرەزيدەنتى رەجەپ تايىپ ەردوعان ارااعايىندىق جاساپ، تاراپتاردى ماسەلەنى بەيبىت جولمەن شەشۋگە شاقىرىپ، الەمنىڭ ءبىرقاتار كوشباسشىلارىمەن كەلىسسوز جۇرگىزدى.
القالى جيىندى، الەمنىڭ 40-قا جۋىق مەملەكەتىنەن 350-دەن استام ب ا ق وكىلى تارقاتپاق. دەگەنمەن كەزدەسۋ جابىق وتەدى.
ايتا كەتەرلىگى، رەسەي جانە ۋكراينا سىرتقى ىستەر مينيسترلەرى باستاعان دەلەگاتسيالار انتاليانىڭ ءارتۇرلى قوناق ۇيلەر تۇراقتايدى. قوس مەكەننىڭ دە قاۋىپسىزدىگى ابدەن ورناتىلعان. رەسەي ۋكراينا- تۇركيانىڭ سىرتقى ىستەر مينيسترلەرىنىڭ توراعالىعىمەن وتەتىن كەزدەسۋدە، ۋكرايناداعى جاعدايدى رەتتەۋ، اتىستى توقتاتۋ، گۋمانيتارلىق ءدالىزىن قۇرۋ سەكىلدى ماسەلەلەر قارالماق. دەگەنمەن كەزدەسۋ جابىق وتەدى. سوڭعى اقپار بويىنشا جيىننان كەيىن ۋكراينا سىرتقى ىستەر ءمينيسترى دميترو كۋلەبا مالىمدەمە جاسايدى.
