الماتىدا قانشا كوپبالالى انا تۇرادى
بۇل تۋرالى قالا اكىمدىگىنىڭ قازاقپارات اگەنتتىگىنىڭ رەسمي ساۋالىنا بەرگەن جاۋابىندا ايتىلدى.
ۇسىنىلعان اقپاراتقا سايكەس، الماتى قالاسىنىڭ الەۋمەتتىك ءال-اۋقات باسقارماسى حالىقتىڭ الەۋمەتتىك وسال توپتارىن، ونىڭ ىشىندە كوپبالالى جانە از قامتىلعان وتباسىلاردى قولداۋ بويىنشا الەۋمەتتىك جوبالاردى ىسكە اسىرۋدا.
قالادا «ءبىر تەرەزە» قاعيداتى بويىنشا كوپبالالى جانە از قامتىلعان وتباسىلارعا ارنالعان قالالىق جانە 8 اۋداندىق «باقىتتى وتباسى» ورتالىعى جۇمىس ىستەيدى. بۇل ورتالىقتىڭ نەگىزگى ماقساتى كوپبالالى وتباسىلاردىڭ ءومىر ءسۇرۋ ساپاسىن ارتتىرۋ، الماتى قالاسىندا تۇراتىن ازاماتتاردىڭ ەكونوميكالىق دەربەستىگى مەن ومىرلىك قيىن جاعدايدان شىعۋ ءۇشىن جەكە موتيۆاتسياسىن نىعايتۋ بولىپ تابىلادى.
ورتالىق قىزمەتى: مادەني- بۇقارالىق ءىس-شارالاردى ۇيىمداستىرۋ؛ دەمالىس، كوممۋنيكاتسيا ءۇشىن ينفراقۇرىلىم قۇرۋ؛ وتباسى مۇشەلەرىن قوسىمشا داعدىلارعا ۇيرەتۋ، ونىڭ ىشىندە ءوزىن-ءوزى ءىشىنارا جۇمىسپەن قامتىعان شاعىن بيزنەستى ۇيىمداستىرۋ؛ جۇمىسقا ورنالاسۋعا جاردەمدەسۋ؛ زاڭ جانە پسيحولوگيالىق كونسۋلتاتسيالارعا قولجەتىمدىلىكتى قامتاماسىز ەتۋ.
ەسكە سالساق، الماتىدا جىل باسىنان بەرى 696 ادام كوپبالالى وتباسى مارتەبەسىنە يە بولدى. ونىڭ 318 ى كوپبالالى وتباسىلار ءۇشىن تاعايىندالاتىن جاردەماقىنى پرواكتيۆتى فورماتتا العانىن جازعانبىز.
