مۇحتار تىلەۋبەردى رەسەيلىك دەپۋتاتتىڭ قازاقستانعا قاتىستى ايتقان سوزىنە پىكىر ءبىلدىردى

نۇر-سۇلتان. قازاقپارات – ق ر پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى رەسەيدىڭ كوممۋنيستىك پارتيا فراكسياسىنىڭ جەتەكشىسى گەننادي زيۋگانوۆتىڭ ايتقان سوزىنە قاتىستى پىكىر ءبىلدىردى، دەپ حابارلايدى قازاقپارات ءتىلشىسى.

«زيۋگانوۆتىڭ سويلەگەن سوزىنە قاتىستى مىنانى ايتقىم كەلەدى. بىرىنشىدەن، ەشقانداي رەسمي نارازىلىق بولمايدى. زيۋگانوۆ ءوزىن ءىس باسىنداعى بيلىك پارتياسىنا وپپوزيتسيا رەتىندە كورسەتىپ جۇرگەن رف كوممۋنيستىك پارتياسىنىڭ جەتەشىسى سانالادى. وپپوزيتسيا بارلىق ۋاقىتتا دا ءىس باسىنداعى بيلىكتىڭ رەسمي ۇستانىمىنان وزگەشە پىكىر ءبىلدىرىپ، ءسوز سويلەيدى، ءتىپتى وعان كەرەعار كەلىپ تە جاتادى. زيۋگانوۆتىڭ سويلەگەن ءسوزىن رەسەيدىڭ بىردە- ءبىر فەدەرالدى كانالى كورسەتكەن جوق»، - دەدى مۇحتار تىلەۋبەردى ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.

وسى رەتتە ول ر ف كومپارتياسى كوكپ يدەيالوگياسىنا نەگىزدەلگەنىن اتاپ ءوتتى. «جۋرناليستەردىڭ نازارىن اتالعان ۆيدەونىڭ ءسوز سويلەۋدەن كەيىن 2 اي وتكەن سوڭ پايدا بولعانىنا اۋدارتقىم كەلەدى. بۇل ۆيدەونىڭ ۋكرايناداعى وقيعالار كەزىندە جاريالانۋى دا توسىننان ەمەس. قارۋلى اسكەري جانجالمەن اقپاراتتىق كەڭىستىكتەگى كۇرەستىڭ جاھاندىق دەڭگەيدە قاتار كۇشەيەتىندىگىن ءتۇسىنۋ قاجەت. بۇل جايت قازاقستانىڭ اقپاراتتىق كەڭىستىگىن دە قامتيدى»، - دەدى ۆيتسە-پرەمەر.