اقپاندا ميلليون دوللارعا جۋىق اقشا قازاقستاننان شىعارىلماق بولعان
بۇل تۋرالى ق ر قارجى مينيسترلىگىنىڭ مەملەكەتتىك كىرىستەر كوميتەتى حابارلادى.
2022 -جىلدىڭ تەك اقپانىندا «جەتىسۋ»، «اۋەجاي- استانا»، «اۋەجاي- اقتوبە»، «قازىعۇرت»، «اۋەجاي- شىمكەنت»، «اۋەجاي- اكتاۋ» كەدەن بەكەتتەرىندە دەكلاراتسيالانباعان قولما-قول اقشا قاراجاتتارىن شىعارۋدىڭ 51 دەرەگى انىقتالعان. دەكلاراتسيالانباعان قولما-قول اقشا قاراجاتتارىنىڭ سوماسى - 995410 دوللار.
ۆەدومستۆو مالىمەتىنشە، 2022 -جىلعى اقپاندا ق ر ا ق ب ت ك-نىڭ 551-بابى 3-بولىگى («تاۋارلاردى، قولما- قول اقشا قاراجاتىن، اقشا قۇرالدارىن دەكلاراتسيالاماۋ نەمەسە انىق ەمەس كەدەندىك دەكلاراتسيالاۋ، كەدەندىك قۇجاتتاردا مالىمەتتەردى انىق ەمەس مالىمدەۋ») بويىنشا 50 اكىمشىلىك ماتەريال جاسالعان، وسى زاڭبۇزۋشىلىقتار بويىنشا ايىپپۇل سوماسى - 1531500 تەڭگە.
الماتىدا 2022 -جىلعى اقپاندا جەكە تۇلعالارعا 37 اكىمشىلىك قۇقىق بۇزۋشىلىق تۋرالى ماتەريالدار جاسالعان جانە قىلمىستىق قۇقىق بۇزۋ سيپاتىنداعى 1 دەرەك انىقتالعان. كۇدىكتىلەر 298 ميلليون تەڭگەدەن اسا، ناقتى ايتقاندا 688262 ا ق ش دوللارىن دەكلاراتسيالاماستان الىپ وتپەك بولعان، ايىپپۇلى - 1133310 تەڭگە.
4-اقپاندا الماتى قالاسىنىڭ حالىقارالىق اۋەجايىندا «جەتىسۋ» كەدەن بەكەتىنىڭ قىزمەتكەرلەرى «الماتى- ىستامبۇل» اۋە رەيسىمەن ۇشۋعا باعىتتالعان ق ر ازاماتىن توقتاتقان. ۇستاۋ كەزىندە 97000 دوللار سوماسىندا دەكلاراتسيالانباعان اقشا قاراجاتى انىقتالعان. ماتەريال ودان ارى تەرگەۋ ءۇشىن الماتى قالاسى بويىنشا ەكونوميكالىق تەرگەۋ دەپارتامەنتىنە بەرىلدى.
ال 11-اقپاندا ەلوردا اۋەجايىندا 32 مىڭ دوللاردى زاڭسىز اكەتپەك بولعان ازامات توقتاتىلدى، 22-اقپاندا ەر ادام 43 مىڭ دوللار اقشانى الىپ دۋبايعا ۇشپاق بولعان. اقتاۋ جانە شىمكەنت اۋەجايلارىندا بىرنەشە جاعداي انىقتالعان.
مەملەكەتتىك كىرىستەر كوميتەتى «قازاقستان رەسپۋبليكاسىنداعى كەدەندىك رەتتەۋ تۋرالى» قازاقستان رەسپۋبليكاسى كودەكسىنىڭ 343-بابى 1-تارماعىنىڭ 7-تارماقشاسىندا قولما-قول اقشا قاراجاتى كەدەندىك دەكلاراتسيالاۋعا جاتاتىنىن ەسكە سالدى.
