الماتىدا جالعان اۆيابيلەتتەردى ساتىپ كەلگەن ايەل ۇستالدى
الماتى قالالىق پوليتسيا دەپارتامەنتىنىڭ مالىمەتىنشە، 36 جاستاعى ايەل قىلمىستىق ءىس- ارەكەتپەن 2020 -جىلدىڭ قاڭتار ايىنان باستاپ اينالىسقان. ونىڭ سوڭعى ارەكەتتەرىن پوليتسيا 2021 -جىلدىڭ قازان ايىندا تىركەگەن.
«تەرگەۋ بارىسىندا كۇدىكتى ءوزىن تۋريستىك كومپانيالاردىڭ ءبىرىنىڭ قىزمەتكەرى رەتىندە تانىستىرعانى انىقتالدى. ول كليەنتتەردىڭ سەنگىشتىگىن پايدالانىپ، ولاردان ۇشاق بيلەتىنىڭ قۇنىن العان جانە ساتىپ العانىن راستايتىن جالعان بيلەت بەرگەن. الايدا ءىس جۇزىندە مامىلە جالعان بولىپ شىقتى جانە ەشكىم جولاۋشىعا ناقتى بيلەتتەردى ۇسىنبادى. كليەنت مۇنى جونەلتۋ كۇنى تىركەۋ ورنىندا ءوزى كورسەتكەن رەيستىڭ جولاۋشىلار تىزىمىندە جوق ەكەنىن بىلگەن كەزدە عانا تۇسىنگەن. جابىرلەنۋشىلەردەن بارلىعى 12 ارىز كەلىپ ءتۇستى»، - دەدى بوستاندىق اۋداندىق پ ب جانىنداعى پوليتسيا ءبولىمىنىڭ باستىعى عالىمجان قاسىمبايەۆ.
اتالعان قىلمىستىق ىستەردىڭ بارلىعى ق ر ق ك- ءنىڭ 190-بابى 3-بولىگىنىڭ 4-تارماعى (الاياقتىق) بويىنشا تەرگەلىپ جاتقان ءبىر وندىرىسكە بىرىكتىرىلگەن. كۇدىكتىنىڭ وسىعان ۇقساس قىلمىستارعا قاتىسى بار- جوعى تەكسەرىلىپ جاتىر.
