كيەۆتە جاعداي ۋشىعىپ تۇر، ۋكرايناداعى قازاقستاندىق ديپلوماتتار لۆوۆ قالاسىنا كوشىرىلدى

نۇر- سۇلتان. قازاقپارات - كيەۆ قالاسىنداعى جاعدايدىڭ ۇشىعۋىنا بايلانىستى قازاقستاندىق ديپلوماتتار لۆوۆ قالاسىنا ۋاقىتشا كوشىرىلدى جانە ولار ق ر ازاماتتارىنا كومەك كورسەتۋ جۇمىستارىن شتاتتىق رەجيمدە جالعاستىرۋدا.

بۇل تۋرالى بۇگىن ق ر سىرتقى ىستەر مينيسترلىگىنىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات.

«ق ر ديپلوماتتارىنىڭ كومەگىمەن 57 قازاقستاندىق اۋىر جۇك كولىگىنىڭ 44- ءى ۋكراينا اۋماعىنان شىقتى، ال قالعان 13 اۆتوكولىكتىڭ جۇرگىزۋشىلەرىنە جان- جاقتى كومەك كورسەتىلۋدە. قازىرگى ۋاقىتتا كاتوۆيتسە قالاسىندا 165 قازاقستاندىق بار. ۋكراينا- پولشا شەكاراسىن كەسىپ ءوتۋ كەزەگىندە ق ر ازاماتتارى جوق. لۆوۆتاعى ق ر قۇرمەتتى كونسۋلدىقتىڭ جانىنداعى ەۆاكۋاتسيالىق جيناۋ ورنىندا 11 ادام جينالدى، ال حاركوۆتا 7 وتانداسىمىز قالىپ وتىر»، - دەلىنگەن حابارلامادا.

ۋكرايناداعى ق ر ەلشىلىگىنىڭ اقپاراتىنا سايكەس، ماريۋپول قالاسىنداعى ق ر ازاماتتارىنىڭ جالپى سانى 18 ادامدى قۇرايدى. ەلەكتر ەنەرگياسى مەن تەلەفون جۇيەلەرىنىڭ ۇزىلۋىنە بايلانىستى بۇگىنگى تاڭدا ولارمەن بايلانىس ورناتۋ مۇمكىنشىلىك جوق. سۋمى قالاسىندا 2 قازاقستان ازاماتى بار، ولارمەن تۇراقتى بايلانىستامىز. اتالعان ازاماتتار گۋمانيتارلىق دالىزدەر ارقىلى ەۆاكۋاتسيالانادى دەپ كۇتىلۋدە، اتالعان دالىزدەردىڭ اشىلۋى رەسەي مەن ۋكراينا تاراپتارىمەن تالقىلانۋدا.