قازاقستان ۋكرايناعا گۋمانيتارلىق كومەك جىبەرەدى

نۇر-سۇلتان.قازاقپارات - ەرتەڭ ەل استاناسىنان ۋكرايناعا 40 توننا گۋمانيتارلىق كومەك جىبەرىلەدى. بۇگىنگى كۇنى ەرىكتىلەردەن 57 توننا كەرەك- جاراق جينالعان.

ۋكراينانىڭ قازاقستانداعى ەلشىلىگىنە كەلىپ، قول ۇشىن سوزىپ، قولداۋ ءبىلدىرىپ جاتقان حالىقتىڭ قاراسى كوپ. ءتۇرلى ۇلت وكىلدەرى ازىق- تۇلىك، ءدارى- دارمەك، كۇندەلىكتى قولدانىسقا كەرەك زاتتاردى اكەلىپ جاتىر. ارنايى قوراپتار مەن سومكەلەر جۇك كولىگىنە تيەلىپ، جونەلتىلىپ وتىرادى.

زلاتاسلاۆا بليزنيۋك، ۆولونتەر:

- بۇل قاراپايىم حالىقتان جينالعان كومەك. بىرنەشە كۇن بويى كەرەكتى زاتتاردى سۇرىپتادىق. بارلىعى 57 توننا بولدى. ەرتەڭ 20 توننادان ەكى جۇك كولىگى ۋكرايناعا جول تارتادى. وسى رەتتە ايتا كەتەرلىگى، قازاقستاندىقتار جومارت ەكەن. كومەك قولىن سوزعان ادام وتە كوپ. جۇمىس ىستەپ جاتقاندار دا ەرىكتىلەر.

www.24.kz