16:23, 09 - ناۋرىز 2022 | GMT +5
قىتاي، گەرمانيا جانە فرانسيا باسشىلارى ۋكرايناداعى جاعدايدى تالقىلادى
نۇر-سۇلتان.قازاقپارات - قىتاي، گەرمانيا جانە فرانسيا باسشىلارى ۋكرايناداعى جاعدايعا بايلانىستى بەينەكونفەرەنتسيا ارقىلى كەلىسسوز وتكىزدى.
باسقوسۋ بارىسىندا تاراپتار ۋكرايناداعى قاقتىعىستى ديپلوماتيالىق جولمەن شەشۋگە باعىتتالعان كەز- كەلگەن كەلىسسوزدى قولدايتىندارىن ايتتى. قىتاي ءتوراعاسى شي جينپين گەرمانيا كانسلەرى ولاف شولتس پەن فرانسيا پرەزيدەنتى ەممانۋەل ماكرونعا ۋكرايناداعى احۋال وتە الاڭداتارلىق ەكەنىن اتاپ ءوتتى. سوندىقتان باتىس ەلدەرىن بارىنشا ۇستامدىلىق تانىتۋعا شاقىردى. ءۇش مەملەكەت باسشىسى گۋمانيتارلىق دالىزدەر قۇرۋدىڭ ماڭىزدىلىعىن ايتىپ، ۋكرايناداعى قارۋلى قاقتىعىستى توقتاتۋ ءۇشىن بارلىق كۇش جىگەرىن جۇمساۋعا دايىن ەكەندەرىن جەتكىزدى.
www.24.kz
