قازاقستاندا اۋە بيلەتتەرى قىمباتتادى
اقپاننىڭ قورىتىندىسى بويىنشا، اۋە بيلەتتەرىنىڭ باعاسى ءبىر جىلدا شىعىس قازاقستان وبلىسىندا بىردەن 45,7 پايىزعا ءوستى. العاشقى ۇشتىكتە: ماڭعىستاۋ وبلىسى - 43,2 پايىز جانە تۇركىستان وبلىسى - 34,8 پايىز.
ەكى وبلىستا - اقمولا جانە سولتۇستىك قازاقستان وبلىستارىندا باعا وزگەرمەگەنى، ال پاۆلودار مەن جامبىل وبلىستارىندا 14,2 جانە 22,2 پايىزعا تومەندەگەنى ناقتىلاندى.
«بيىل اقپاندا ەلدەگى جولاۋشىلار اۋەكولىگى قىزمەتتەرىنىڭ باعاسى بىلتىرعىمەن سالىستىرعاندا 17,7 پايىزعا ءوستى»، - دەلىنگەن حابارلامادا.
سونىمەن قاتار، رەسەيگە قارسى سانكسيالار اياسىندا قازاقستاننىڭ اۋە تاسىمالى مەن لوگيستيكا سەكتورى وزگەرەدى دەپ كۇتىلەدى.
وسىلايشا، اۋە كەڭىستىگىن جابۋعا قاتىستى قازىرگى جاعدايعا بايلانىستى اۋە اعىنىنىڭ ءبىر بولىگى قارا تەڭىز ايماعىنان قازاقستان اۋماعىنا قايتا باعىتتالدى، دەپ حابارلادى يندۋستريا جانە ينفراقۇرىلىمدىق دامۋ مينيسترلىگى.
ەلدىڭ اەروناۆيگاتسيا جۇيەسىنىڭ مۇمكىندىگى قوسىمشا اۋە قوزعالىسىن شەكتەۋسىز قابىلداۋعا مۇمكىندىك بەرەدى، دەلىنگەن مينيسترلىك حابارلاماسىندا.
