قاڭتار وقيعاسى: الماتىدا ۇرلانعان قارۋدىڭ ءىرى پارتياسى تابىلدى
بۇل تۋرالى كولىكتەگى پوليتسيا دەپارتامەنتىنىڭ باستىعى وڭال بەكيەۆ ايتتى، دەپ حابارلايدى قازاقپارات ءتىلشىسى.
وڭال بەكيەۆ اتاپ وتكەندەي، الماتى اۋەجايىنداعى تارتىپسىزدىككە قاتىسقان وزبەكستاننىڭ 23 جاستاعى ازاماتى ۇرلىق جاسادى دەگەن كۇدىكپەن ۇستالىپ، تۇرعىلىقتى جەرىنەن 2 پىشاق پەن 1 پنەۆماتيكالىق تاپانشا تاركىلەندى.
سونداي-اق پوليتسەيلەر ونىڭ 43 جاستاعى سىبايلاسىن انىقتاپ، ۇستادى. ءتىنتۋ بارىسىندا پنەۆماتيكالىق قارۋدىڭ 19 بىرلىگى مەن ولارعا ارنالعان پاتروندار، 10 پىشاق، 1 اربالەت، 6 وپتيكالىق كوزىلدىرىك جانە 3 وپتيكالىق قۇرىلعى تاركىلەدى.
«سوتقا دەيىنگى تەرگەۋ امالدارى جۇرگىزىلۋدە، كۇدىكتىلەردىڭ باسقا دا قىلمىستارعا قاتىستىلىعى تەكسەرىلىپ جاتىر»، - دەپ قورىتىندىلادى پوليتسيا گەنەرال-مايورى.
سونىمەن قاتار كۇدىكتىلەردىڭ باسقا دا سىبايلاستارىن انىقتاۋ جانە ۇستاۋ شارالارى جۇرگىزىلىپ جاتىر.
