قازاقستان كاسىپكەرلەرى قورعانىس مينيسترلىگىنىڭ تاپسىرىسىن ورىنداۋدان باس تارتتى
سەبەپ - نارىقتاعى جاعدايعا بايلانىستى ماتا- ماتەريالدىڭ كۇرت قىمباتتاۋى، دەپ حابارلايدى قازاقپارات.
نۇر-سۇلتان قالاسىندا رەسەيگە سانكسيالار پاكەتىنىڭ ەنگىزىلۋى جانە ونىڭ قازاقستان ەكونوميكاسىنا اسەرىنە قاتىستى «اتامەكەن» ۇلتتىق كاسىپكەرلەر پالاتاسى قۇرعان وڭىرلىك جەدەل شتابتىڭ وتىرىسى ءوتتى.
كاسىپكەرلەر سانكسيالار سالدارىنان قانداي پروبلەمالار مەن قاتەرلەرگە تاپ بولعانىن ايتىپ بەردى. كاسىپكەرلەر ماتا-ماتەريالدىڭ قىمباتتاۋىنان جانە ۆاليۋتا باعامىنىڭ وسۋىنەن ارنايى كيىم، مەكتەپ فورماسىن تىگۋ بويىنشا كەلىسىمشارتتىق مىندەتتەمەلەردى ورىنداي المايتىنىن ءبىر اۋىزدان جەتكىزدى.
«BMC Sales» باسشىسى اسقار باشەيەۆتىڭ ايتۋىنشا، شيكىزاتتى جەتكىزۋشىلەر ۆاليۋتا باعامىنىڭ قۇبىلۋىنا بايلانىستى كەلىسىمشارت جاساسۋدان تارتىنىپ وتىر.
«الدا مەكتەپ ناۋقانى كەلە جاتىر، ءبىز تىگە المايمىز، وعان رەسۋرس تاپشى. جەتكىزۋشىلەر كەلىسىمشارت جاساۋعا اسىقپايدى. ويتكەنى ەرتەڭ باعا وزگەرىپ كەتپەسىنە كەپىلدىك جوق»، - دەيدى ول.
«پروگرەسس» تىگىن فابريكاسى» ج ش س وكىلى نۇرجان مانكين ونىڭ فابريكاسى قورعانىس مينيسترلىگىمەن 2021 -جىلدىڭ كۇزىندەگى باعامەن كەلىسىمشارت جاساعانىن ايتتى. ال قازىر قىتاي جانە رەسەيدە وندىرىلگەن ماتەريالدىڭ باعاسى %30-40 قىمباتتادى.
«قازىرگى ۋاقىتتا ءبىز كەلىسىمشارتتى ورىنداي المايمىز»، - دەپ اتاپ ءوتتى ول. ونىڭ ارىپتەسى، «كازسپو- N» ج ش س باس ديرەكتورى ەلەنا سۆەچنيكوۆا قازىرگى جاعدايدا قورعانىس مينيسترلىگىمەن جوسپارلانعان كەلىسىمشارت ءتيىمسىز بولعاندىقتان، ودان باس تارتۋعا ءماجبۇر ەكەندىگىن ايتتى.
«الايدا ءبىزدى ءىسىن ادال ورىندامايتىن جەتكىزۋشىلەر رەەسترىنە قوسادى دەپ ۋايىمدايمىز. بىزگە وسى باعىتتا كومەك بەرسەڭىزدەر؟»، - دەدى كاسىپكەر. جەڭىل ونەركاسىپ سالاسىنداعى وسى ماسەلەنى باسقا دا كومپانيالار كوتەردى.
ال «Eurasia Group Kazakhstan» ج ش س وكىلدەرى ەۋروپا جانە ا ق ش-تان كەلۋى ءتيىس اۋىل شارۋاشىلىعى تەحنيكاسى بەلارۋس جانە رەسەي جاقتان كەشىگىپ جاتقانىن ايتتى. بۇل جابدىق ولارعا الداعى كوكتەمگى دالا جۇمىستارىن باستاۋ ءۇشىن قاجەت.
«ەگىس جۇمىستارى ءبىر جارىم ايدان سوڭ باستالادى. لوگيستيكا مارشرۋتى بويىنشا الاڭداۋشىلىق بار. ەگەر ر ف جانە بەلارۋس ءوز شەكارالارىن جاپسا، سايكەسىنشە بۇكىل تاۋار اعىنى تۇركيا جانە ازەربايجان ارقىلى تاسىمالدانادى. باكۋ جانە اقتاۋ پورتتارى مۇنداي جۇكتەمەگە دايىن با؟ بۇل تەحنيكانىڭ تۇرىپ قالۋى، كولىك كەپتەلىسىنە اكەپ سوعادى. سونىمەن قاتار جەتكىزۋ مەرزىمىن دە كەشىكتىرەمىز. بىزگە قازىر ترانزيت ءۇشىن رەسەي جانە بالەرۋس شەكاراسىنىڭ جابىلماعانى كەرەك»، - دەدى كومپانيا وكىلى.
«ق ر جيھاز جانە اعاش وڭدەۋ ونەركاسىبى كاسىپورىندارىنىڭ قاۋىمداستىعى» زاڭدى تۇلعالار بىرلەستىگىنىڭ پرەزيدەنتى قانات يبرايەۆ وتاندىق جيھاز ونەركاسىبىنىڭ توقتاپ قالۋىنا كومەكتەسەتىن بىرنەشە ۇسىنىسايتتى.
«ءبىرىنشى كەزەكتە، پليتالىق ماتەريالداردى تاسىمالداۋدى سۋبسيديالاۋ قاجەت. ءبىز بۇعان دەيىن بۇل ۇسىنىستى بەردىك، ءبىراق ول ەكونوميكا مينيسترلىگى مەن قارجى مينيسترلىگىندە نازاردان تىس قالدى. پليتالىق ماتەريال باعاسىنداعى ەڭ كوپ ۇلەستى، ءوندىرۋشى زاۋىتقا بايلانىستى، شامامەن %40-50 تاسىمالداۋ قۇرايدى»، - دەپ اتاپ ءوتتى قانات يبرايەۆ.
بۇدان ءارى، ونىڭ پىكىرىنشە، پليتالىق ماتەريال مەن فۋرنيتۋرانى جەتكىزۋگە ارنالعان سالىق جەڭىلدىكتەرىن ازىرلەۋ كەرەك. شەتەلدىك جابدىقتى جەتكىزۋگە ارنالعان پرەفەرەنتسيالارعا ۇقساس. ويتكەنى ەكەۋى دە قازاقستاندا وندىرىلمەيدى. سونداي-اق الداعى 3 جىلعا كورپوراتيۆتى تابىس سالىعىنا موراتوري ەنگىزۋ قاجەت.
«Qazaq Stone» قازاقستان تاس وڭدەۋ سالاسىنىڭ وداعى» ز ت ب ءتوراعاسى داۋرەن اعزىموۆ وداق جىل بويى ماسكەۋمەن وتاندىق تاستى جەتكىزۋگە كەلىسسوزدەر جۇرگىزگەنىن اتاپ ءوتتى. الايدا، جاقىندا ولار ەلدەگى ساياسي جاعدايعا بايلانىستى بارلىق جۇمىس توقتاعانى تۋرالى حابارلاما الدى.
« ءبىز وسى جىلى جۇمىسسىز قالدىق. نە ىستەۋ كەرەگىن بىلمەيمىن...»، - دەدى ول.
نۇر-سۇلتان قالاسى كاسىپكەرلەر پالاتاسى ديرەكتورىنىڭ مىندەتىن اتقارۋشى بەيسەن جولبولديەۆ ايتىلعان بارلىق ماسەلە جينالىپ، بالامالى شەشىمدەردى ىزدەۋ ءۇشىن «اتامەكەن» ۇ ك پ جەدەل شتابىنا جىبەرىلەتىنىن اتاپ ءوتتى.
ايتا كەتەيىك، رەسەيگە سالىنعان سانكتسيالار سالدارىنان بيزنەسى زارداپ شەككەن كاسىپكەرلەر نۇر- سۇلتان قالاسى بويىنشا جەدەل شتابقا حابارلاسا الادى:
87172919080
77057071482+
77055855579+
77021547707+
WhatsApp ءنومىر: 87788701432.
