الماتى وبلىسىندا جاپپاي توبەلەس سوڭى اتىسپەن اياقتالدى

نۇر-سۇلتان. قازاقپارات - 7- ناۋرىزدا الماتى وبلىسى قاراساي اۋدانىنداعى شامالعان اۋىلى ماڭىندا جاپپاي توبەلەس بولدى.

وعان 30 عا جۋىق ادام قاتىسقان. سالدارىنان وقيعاعا قاتىسۋشىلاردىڭ ءبىرى وق جاراقاتىمەن اۋرۋحاناعا جەتكىزىلدى، - دەپ حابارلايدى Tengrinews.kz ءتىلشىسى.

پوليتسيا مالىمەتىنشە، الدىن الا دەرەكتەرگە سايكەس، قاقتىعىسقا ەكى اۋىلدىڭ تۇرعىندارى قاتىسقان.

«ءارتۇرلى كاليبرلى قارۋدىڭ وق-ءدارىسى، سونداي-اق ەكى Lexus جانە ۆاز كولىكتەرى تابىلدى. جانجالعا ەكى اۋىلدىق وكرۋگتىڭ تۇرعىندارى، نەگىزىنەن 25-30 جاس ارالىعىنداعى اۋىل جاستارى قاتىسقانى انىقتالدى. قاقتىعىسقا نە سەبەپ بولعانى ءالى انىقتالىپ جاتىر»، - دەدى Azattyq R‎hy الماتى وبلىسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

جاپپاي توبەلەس دەرەگى بويىنشا قىلمىستىق كودەكستىڭ 293-بابى «بۇزاقىلىق» بويىنشا سوتالدى تەرگەۋ امالدارى جۇرگىزىلىپ جاتىر.

پوليتسيا وقيعاعا قاتىسۋشىلاردىڭ ىزدەستىرىلىپ جاتقانىن، جەدەل جاعدايدىڭ باقىلاۋدا ەكەنىن اتاپ ءوتتى.