زەلەنسكي رەسەيمەن كەلىسسوزدەردىڭ جاڭا راۋندىن وتكىزۋگە شاقىردى

نۇر-سۇلتان. قازاقپارات - ۆلاديمير زەلەنسكي 8- ناۋرىزدا كەشكى جولداعان ۆيدەو ۇندەۋىندە ۋكرايناداعى جاعدايدى رەتتەۋ تۋرالى تاعى دا كەلىسسوزدەرگە شاقىردى، - دەپ حابارلايدى ر ي ا نوۆوستي.

ۆيدەو ۇندەۋ زەلەنسكيدىڭ Telegram-ارناسىندا جاريالاندى.

«سوعىستى اياقتاۋ كەرەك. كەلىسسوز ۇستەلىنە وتىرۋ كەرەك، ءبىراق ادال جانە ناقتى، حالىقتىڭ مۇددەسى ءۇشىن»، - دەدى زەلەنسكي.

رەسەي مەن ۋكراينا بۇعان دەيىن كەلىسسوزدەردىڭ ءۇش راۋندىن وتكىزگەن ەدى. ەكىنشى راۋند بارىسىندا تاراپتار ازاماتتاردى ەۆاكۋاتسيالاۋ، ازىق-تۇلىك پەن ءدارى-دارمەك جەتكىزۋ ءۇشىن گۋمانيتارلىق دالىزدەردى بىرلەسىپ قامتاماسىز ەتۋ بويىنشا ىنتىماقتاستىققا قول جەتكىزدى. الايدا گۋمانيتارلىق دالىزدەر تولىق جۇمىس ىستەمەدى.

بەلارۋسسيادا 7- ناۋرىزدا كەشكە رەسەي-ۋكراينا كەلىسسوزدەرىنىڭ ءۇشىنشى راۋندى اياقتالدى. ول ءۇش ساعاتقا سوزىلدى.