جاقسى ەستەلىك اۋرۋدى جازۋعا كومەكتەسەدى - قىتاي عالىمدارى
مەديتسينادا ادامنىڭ جاقسى ەستەلىكتەردى ەسىنە ءتۇسىرىپ ەلەستەتۋى پسيحولوگيالىق اۋرۋلاردان ادا بولۋىنا، كوڭىل-كۇيىن جاقسارتۋعا جاعىمدى اسەر ەتەتىن جولداردىڭ ءبىرى ەكەنى بۇرىننان بەلگىلى.
ادامنىڭ فيزيكالىق اۋرۋلارىن دا جازۋعا قولدانۋعا بولاتىنى انىقتالعان. الايدا ونى دەنە اۋرۋلارىنا قالاي قولدانۋعا بولاتىنىن، امالىن تاپپاي جۇرگەن ەدى.
مۇنى قىتايدىڭ عىلىم اكادەمياسىنىڭ ماماندارى ەكسپەريمەنت جۇرگىزۋ ارقىلى تاپقان.
تاجىريبەدە عالىمدار ەرىكتى ادامداردىڭ باسىنا تەرموسەنسورلى قۇرىلعىلار تاعىپ، الدىنا بالالىق شاعىندا ۇستاعان زاتتارى مەن ويىنشىقتارىن، باسقا دا ەستەلىك بولارلىق دۇنيەلەرىن كورسەتكەن. سوندا ەستەلىك ادامنىڭ نوستالگيا سەزىمىن قوزعاپ، بۇل ءوز كەزەگىندە ميدىڭ گيپوتالامۋس بولىگىن بەلسەندى ەتەتىنى بايقالعان. ميدىڭ گيپوتالامۋس بولىگى - سانا-سەزىمگە جاۋاپ بەرەتىن ورتالىق.
ول بەلسەندى قوسىلعان كەزدە، ادامنىڭ اۋرۋى باسىلعانداي كۇي كەشەدى ەكەن.
«الايدا وتە اۋىر اۋرۋلارعا بۇل ءادىس كومەكتەسە المايدى»، - دەپ تۇسىندىرەدى قىتاي عالىمدارى.
