پرەزيدەنت ۋكرايناداعى قازاقستاندىقتاردى ەلگە جەتكىزۋ جۇمىسىن ءجىتى قاداعالاپ وتىر
بۇل جايىندا مەملەكەت باسشىسىنىڭ باسپا ءسوز حاتشىسى بەرىك ءۋالي ءمالىم ەتتى.
«پرەزيدەنت قاسىم- جومارت توقايەۆ سىرتقى ىستەر مينيسترلىگى مەن باسقا دا ۆەدومستۆولاردىڭ ۋكرايناداعى قازاقستان ازاماتتارىن ەۆاكۋاتسيالاۋ جونىندەگى جۇمىسىن ءجىتى قاداعالاپ وتىر. مەملەكەت باسشىسى بۇل باعىتتاعى جۇمىستاردى وڭ باعالادى. اسكەري ءىس- قيمىلدار باستالعالى بەرى 553 وتانداسىمىزعا كومەك كورسەتىلىپ، ونىڭ 432 ءسى ەلىمىزگە امان- ەسەن جەتكىزىلدى. ازاماتتاردىڭ كوپشىلىگى قۇتقارۋ شارالارى ءۇشىن پرەزيدەنتكە العىس ايتىپ جاتىر. ديپلوماتيالىق ۆەدومستۆونىڭ ۋكراينادان ەل ازاماتتارىن ەۆاكۋاتسيالاۋ جۇمىستارى جالعاسۋدا. بۇگىن مەملەكەت باسشىسى قازاقستان ازاماتتارىن وسى ەلدەن الىپ شىعۋعا اتسالىسقان ديپلوماتتاردى، قۇرمەتتى كونسۋلداردى، باسقا دا ۆەدومستۆو قىزمەتكەرلەرىن مەملەكەتتىك ناگرادالارمەن ماراپاتتاۋ ءۇشىن سىرتقى ىستەر ءمينيسترى مۇحتار تىلەۋبەردى مەن قازاقستاننىڭ ۋكرايناداعى ەلشىسى دارحان كالەتايەۆقا ۇسىنىستار ازىرلەۋدى تاپسىردى» دەپ جازدى ول Telegram پاراقشاسىندا.
