گولوۆكين مەن تۋرالى ايتقان جامان سوزدەرى ءۇشىن جاۋاپ بەرەدى – كانەلو

نۇر- سۇلتان. قازاقپارات - ەكىنشى ورتا سالماقتاعى ابسوليۋتتى الەم چەمپيونى ساۋل «كانەلو» الۆارەس ورتا سالماقتاعى الەم چەمپيونى گەنناديي گولوۆكينمەن جەكە ەسەپ ايىرىساتىنىن ءمالىم ەتتى.

سوندىقتان، ول وسى جىلدىڭ قىركۇيەگىندە ءوتۋى مۇمكىن ءۇشىنشى جەكپە- جەكتى كۇتىپ ءجۇر، دەپ حابارلايدى قازاقپارات Sports.kz-كە سىلتەمە جاساپ.

«ءيا، ول مەنىڭ جەكە شارۋام، سەبەبى ول مەن تۋرالى كوپ جامان نارسە ايتتى. سوندىقتان ءار سوزىنە جاۋاپ بەرەدى»، - دەدى «كانەلو» گولوۆكين تۋرالى سان- ديەگوداعى بوكس كەشىندە DAZN- عا بەرگەن تىكەلەي ەفيردەگى سۇحباتىندا.

ايتا كەتەيىك، جۇرتشىلىق گولوۆكينمەن ءۇشىنشى ايقاس تۋرالى اڭگىمەگە شۋىلداسىپ كەتتى.

جەكپە- جەك ءوتۋى ءۇشىن «كانەلو» 7-مامىردا جارتىلاي اۋىر سالماقتاعى WBA چەمپيونى دميتريي بيۆولدى، گولوۆكين 9-ساۋىردە ورتا سالماقتاعى WBA چەمپيونى ريوتا مۋراتۋدى جەڭۋى ءتيىس.

«مەن نە سەبەپتى قازىر وتەيىن دەپ جاتقانىن بىلمەيمىن، - دەدى الۆارەس ءۇشىنشى ايقاس تۋرالى. - مەنىڭ ويىمشا، ءبارى جەتكىلىكتى بولعان سياقتى. ءبىراق، ءبىز كەلىسىم جاسادىق، بۇل - مەن ءۇشىن ەڭ ءتيىمدى كەلىسىم. بىزدە ءۇشىنشى ايقاس وتكىزۋگە مۇمكىندىك بار. مەن بيۆولمەن ايقاسقا بار كۇشىمدى سالىپ دايىندالىپ جاتىرمىن، قالعانىن كەيىن كورەرمىز».